ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Pikiraja wayuu süka süpüshuaʼa paaʼin
Wekirajüle süka süpüshuaʼa waaʼin, jülüjeerü maʼin saaʼin tü wayuukoluirua tü wamakat namüin. Waaʼinrüle tia, weeʼiyatüin sükajee wakuwaʼipa kojutuin maʼin wamüin tü pütchi waküjakat. Jaʼitaina jalejeʼewaliire waya, naatale wakuwaʼipa jee mmoleere waya, eeshii süpüla wekirajüin wayuu süka süpüshuaʼa waaʼin (Ro 12:11). ¿Kasa waaʼinrajatka süpüla wekirajüin wayuu süka süpüshuaʼa waaʼin?
Palajana, jülüja waaʼin kojutuin maʼin tü pütchi waküjakat sümüin wayuu. Shia waküjaka tü pütchi anasükat nüchiki Maleiwa (Ro 10:14, 15). Piama, jülüja waaʼin aneerüin maʼin sukuwaʼipa wayuu sutuma tü pütchikat otta aneerüin maʼin naaʼin naapajapa shia (Ro 10:13, 14, TNM). Tü wane kasa waaʼinrajatkat shia waashajaain süka süpüshuaʼa waaʼin. Jaʼyainjatü tia saaʼu wanüiki, sünain woʼupünaa otta tü wajapükat.
SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. ATÜJAINJACHI PIA EKIRAJAA WAYUU: PIKIRAJA WAYUU SÜKA SÜPÜSHUAʼA PAAʼIN, JUSOUTA SHIʼIPAJEE TÜÜ:
¿Jamüsü nnojoluitpaka saaʼin Neeta sünain ekirajaa Jade?
¿Kasa saaʼinraka Neeta süpüla talatüin saaʼin süchikuaʼa sünain ekirajaa Jade?
Talatüle waaʼin sünain ekirajaa wayuu, talateerü naaʼin na wekirajüinkanaʼaya.
¿Jamüsü jülüjainjatka waaʼin eein tü anakat natuma na wekirajüinkana?
¿Jamüsü anaka maʼin talatüle waaʼin wekirajapa na wayuukana?