Puuʼulaa nükaalinjain pia Jeʼwaa puʼuraajapa nümüin

Nia Jeʼwaa miyoʼuka atuma nunoula wanee wayuu (1Co 3:6-9). Süpüla anainjatüin wakuwaʼipa sünain aküjaa pütchi, weʼitaainjatü waaʼin sünain nieechin Jeʼwaa akaalinjaka waya otta akaalinjaka na wekirajüinkana.

Puchunta nümüin Jeʼwaa nükaalinjain na pikirajüinkana süpüla nachecherüin naaʼin napüleeruaanüle aaʼin jee soʼunnaa tü müliaa neʼrakat (Flp 1:9, 10). Puchunta nümüin Jeʼwaa chi naaʼinkai süpüla anainjatüin tü jülüjakat paaʼin jee müsia tü paaʼinrakat (Lu 11:13). Pikiraja na pikirajüinkana süpüla natüjainjanain süpüleerua achuntaa nümüin Maleiwa jee pütütüleʼera naaʼin süpüla naaʼinrüinjatüin tia. Puʼuraaja namaa otta puchunta napüleerua.

SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. PUUʼULAA NÜKAALINJAIN PIA JEʼWAA: PUʼURAAJA NÜMÜIN, JUSOUTA SHIʼIPAJEE TÜÜ:

• ¿Kasa shiʼraka Neeta sunoutuinjatüin Jade shikirajaapa sünain tü Bibliakat?

• ¿Kasa shiyaawataka aaʼu Neeta sutuma tü sümakat 1 Corinto 3:6?

• ¿Kasa saainjaka Neeta sümaa Jade süpüla nanoutuin tü alatakat?