ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Pükaalinja na pikirajüinkana süpüla nooʼulaain suulia tü kasa mojusü kiʼrakalü anain naya
Süpüla aleewain maʼin na wekirajüinkana nümaa Jehová ooʼulaainjana naya suulia tü kasa mojusü kiʼrakalü anain naya (1Pe 1:14-16, TNM). Naaʼinrüle tia, aneerü nakuwaʼipa sümaa napüshi, keisaleena naya sümüin nakuwaʼipa jee neisatteet nanneetse.
Pansaa pünüiki namüin na pikirajüinkana püküjapa süchiki tü kasa mojukat noʼuluʼu Jehová. Püküja namüin aneerüin nakuwaʼipa noonoole sümaa tü nuluwataakalü anain Jehová, pükaalinja naya süpüla jülüjainjatüin naaʼin kasa anasü (Éf 4:22-24). Püküja namüin nükaalinjeenain naya Jehová süpüla nooʼulaain suulia wanee kasa mojusü kiʼrakalü anain naya jaʼitairü kapüleein maʼin tia saaʼin namüin (Flp 4:13). Pükaalinja naya süpüla nekiʼralaainjanain sünain achuntamaata nümüin Jehová suchuntaale naaʼin aaʼinraa kasa mojusü. Pükaalinja naya süpüla eejüin naaʼin suulia tü kasa mojusü amojujeetkat nakuwaʼipa otta süpüla naaʼinrajatüin tü kasa anasükat. Talatashaateerü maʼin paaʼin piʼrapa nükaalinjain Jehová na pikirajüinkana süpüla naʼwanajaain nakuwaʼipa.
SÜCHIKIJEE JÜNAJÜIN TÜ VIDEOKOT PÜKAALINJA NA PIKIRAJÜINKANA SÜPÜLA NOOʼULAAIN SUULIA TÜ KASA MOJUSÜ KIʼRAKALÜ ANAIN NAYA, JUSOUTA SHIʼIPAJEE TÜÜ:
¿Jamüsü naaʼin na laülaashiikana otta Neeta sutuma süküjain Jade namüin sükamüjain mariwaana?
¿Kasa saaʼinraka Neeta süpüla sükaalinjain Jade?
¿Kasa saaʼinraka Jade süpüla nükaalinjain shia Jehová?