ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Kapüla paaʼin na wayuukana
Kapürale waaʼin wanee wayuu, wayaawateerü aaʼu tü jülüjakat naaʼin, jamüin maʼin naaʼin, tü kojutukat nümüin jee tü choʼujaakat nümüin. Wakaalinjüle na waneinnua, jaʼyeerü waaʼu kapülain maʼin naya waaʼin. Aishii maʼin na wayuukana nüpüla Jeʼwaa. Müsüjeseʼe kapürale naya waaʼin waküjapa pütchi namüin, washateerü nukuwaʼipa Jeʼwaa jee keeʼireejeerü naaʼin na wayuukana neʼrajüin Jeʼwaa (Flp 2:4, 5).
Shiimainre kapülain waaʼin na wayuukana, jaʼyeerü shia sünain wakuwaʼipa wanaa sümaa waapajüin nanüiki, yootuin waya namaa, jee kamaneepa waya namüin. Anuu sooʼomüin tü waaʼinrüinjatkat: jülüjainjatü waaʼin nakuwaʼipa, maʼaka saaʼin tü kamalainkat namüin, tü nanoujakalü anain jee tü alatakat namüin. Eeshii süpüla waküjain namüin wanee pütchi akaalinjeetka naya, nnojotpejeʼe wapüleeruainjatüin naaʼin. Talatüshii maʼin waya wakaalinjapa na wayuu waküjakana amüin pütchi.
SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. ATÜJAINJACHI PIA EKIRAJAA WAYUU: KAPÜLA PAAʼIN NA WAYUUKANA, JUSOUTA SHIʼIPAJEE TÜÜ:
¿Kasa saaʼinraka Neeta süpüla kapülain saaʼin Jade wanaa sümaa siraain kaʼi saaʼu?
¿Jamüsü watüjaaka saaʼu kapülain saaʼin Neeta Jade wanaa sümaa süküjain Jade shapaain maʼin saaʼin jee nnojoluinjatüin shia ekirajaain?
Kapürale waaʼin na wayuukana, keeʼireejeerü naaʼin neʼraajüin Jeʼwaa.
Süküjapa Jade sümüin Neeta meisalain shia, ¿kasa saaʼinraka Neeta süpüla kapülain saaʼin Jade?