KOROLO KOJUTUSÜ SULUʼUKA TÜ BIBLIAKAT

Kekiinjachi pia püneekapa tü wayuu puʼwayuuseinjatkat

Nnojoishi kekiin Salomón süka kasaalüin nia sümaa wayuu aʼwaajaka maleiwayaasü (1Re 11:1, 2; w18.07 16 püt. 7).

Akayalaashi shiʼipaʼaya Salomón nuulia Jehová sutuma tü nuʼwayuusekalüirua (1Re 11:3-6; w19.01 15 püt. 6).

Jashichishaatashi maʼin Jehová nümüin Salomón (1Re 11:9, 10; w18.07 17 püt. 9).

Kojuyasü ayaakuaa: Wanee wawala ekirajaasü sünain tü Bibliakat sümaa jülüjain saaʼin wanee wawala maʼwayuusesai. 1. Chia wawalakai asoutushi nia sünain tü outkajawaakat. 2. Chia wawalakai aküjashi nia pütchi. 3. Chia wawalakai akaalinjashi nia sünain anoutaa kasa suluʼu tü Piichi Outkajaaleekat.

Süküjain tü Bibliakat namüin na maʼwayuusekana kasaalüinjanain naya sümaa wayuu anoujaka wanaa namaa (1Co 7:39). Nnojotsü anain nukuwaʼipa wanee wayuu süpüla kasaalüin sutumajee neʼe woutiisain nia. ¿Sükaalinjeeiche pia tü wayuu püneekakat süpüla puʼwayuusein süpüla ayatüin piʼyataain nümüin Jehová süka süpüshuaʼa paaʼin? ¿Kakaliairüche waneepiain shia nümaa Jehová? Süpülapünaa püneeküin kasaalüin pia sümaa wanee wayuu, piʼraajüinjatü sukuwaʼipa palajana.