Nüsaajirüin David nümüin Salomón na wayuu atüjakana akumajaa kasa otta müsia naapüin nümüin tü kasa choʼujaakat süpüla sukumajünüin tü piichi aʼwaajüleekat.

KOROLO KOJUTUSÜ SULUʼUKA TÜ BIBLIAKAT

Wakaalinja naya süpüla naʼyataain nümüin Jehová sümaa talatüin naaʼin

Nütüjaa aaʼu David aneerüin nutuma Salomón tü aʼwaajüleekat süka nükaalinjain nia Jehová (1Cr 22:5; w17.01 28 püt. 8).

Nükaalinjain David Salomón süpüla niʼitaain naaʼin nünain Jehová otta süpüla nuʼttuin sünain aʼyatawaa (1Cr 22:11-13).

Akaalinjünüshi maʼin Salomón nutuma David (1Cr 22:14-16; w17.01 28 püt. 7; piirakaa sümüin tü ayaakuaa sünainkat süta karaloʼutakat tüü).

Kojuyasü ayaakuaa: 1. Wanee laülaashi nikirajüin wanee jimaʼai süpüla nukumajüin sukuwaʼipa eeinjanale naküjain pütchi na wawalayuukana. Niiʼiyatüin chi laülaashikai sünain wanee maapa tü mma eere naküjain pütchi na wawalayuukana, tü registro de territorio münakat otta waneirua tarjeta de territorio. 2. Chia jimaʼaikai nükaalinjain wanee wawala süpüla niyaawatüin saaʼu kasapülajatüin tü tarjeta de territorio münakat.

PÜSAKIRA PAAʼIN: «¿Kasa taaʼinrajatka süpüla takaalinjain na jimaʼaliikana jee na majayünnüükana süpüla anain nakuwaʼipa jee talatüin naaʼin sünain aʼyatawaa nümüin Jehová?» (w18.03 13 püt. 14, 15).