Weʼitaa wapüleerua tü waʼyataweekalü anain sükalioʼu tü Outkajawaakat eere Sotuin Waaʼin Outuin Jesús

Wayakana aʼyataashiikana nümüin Jehová waʼatapajüin maʼin sükalioʼu tü Outkajawaakat eere Sotuin Waaʼin Outuin Jesús. Maʼaka jeʼra semaana süpülapünaa jee süchikijee tia outkajawaakat, wachajaain sukuwaʼipa süpüla waʼwaajüin maʼin Jehová jee süpüla waapüin analuʼut nümüin saaʼujee naapajiraain nikii Jesús waaʼu (Éf 1:3, 7). Jamüshiijaʼa waya, wounejaain maʼin na wayuukana süpüla noutkajaain wamaa soʼu tia. Eeshii wawalayuu pürekutsootkana aaʼusiliaat soʼunnaa tia, eesü süpüla naneeküin naküjain pütchi 30 jee shiale 50 oora süpüla maatsoʼu otta aaʼuriiroʼu. ¿Aküjeeshiiche maʼin waya pütchi sükalioʼu tü Outkajawaakat eere Sotuin Waaʼin Outuin Jesús? ¿Kasakaʼa waaʼinrüinjatüin süpüla wountuin tia?

Lotusü watuma wanee kasa wakumajüle sukuwaʼipa palajana (Pr 21:5). Alüʼütsü maʼin sükalia tü Outkajawaakat eere Sotuin Waaʼin Outuin Jesús, müsüjeseʼe anain maʼin jülüjale waaʼin tü aʼyatawaa waʼyataweekalü anain soʼunnaa tia otta tü waaʼinrajatkat süpüla wountuin shia. Wachunta kaalinwaa nümüin Jehová (1Jn 5:14, 15).

¿Eesüche wanee kasa eeka süpüla waaʼinrüin süpüla wakooʼomüinrüin tü waʼyataainkat sünain aküjaa pütchi sükalioʼu tü Outkajawaakat eere Sotuin Waaʼin Outuin Jesús?