WAKUWAʼIPA SÜNAIN ANOUJAA
¿Pütüjaa aaʼuche tü pukuwaʼipainjatkat aijaʼalaʼa sümüle shiiʼiree tü nneetkat otta kojutajaale tü kasakalüirua?
¿Jamüsü nnojotka ponuin waaʼin maliajaale sünneetse wanee mma maaʼulu yaa? Shia süka sülüʼülüin sükalia süpüla sajaʼttüin tü kasa mojusükat. Müsü tü Bibliakat: «[Anasü] nnojorüle naʼatapajüin anain nakuwaʼipa sünainjee washirüin naya» (1Ti 6:17; 2Ti 3:1, TNM). ¿Jamüsü anaka waaʼinrüle tü naaʼinrakat Jehosafat soʼunnaa shiʼrüin wayuu maʼletsee?
Nushutunuinjachipa aaʼu Jehosafat niʼitaain maʼin naaʼin sünain nükaalinjeechin nia Jehová (2Cr 20:9-12). Nnojoluiwaʼaya nushutunuin aaʼu aaʼinrüshi waneirua kasa süpüla naaʼinmajüin na judíokana, nukumajirüin süsepü tü pueulokot otta yapashii nutuma na surulaatkana (2Cr 17:1, 2, 12, 13). Müshiʼiya wayakana, anasü weʼitaale waaʼin sünain nükaalinjeenain waya Jehová otta yapa waya süpülapünaa weʼrüin müliaa.
SÜCHIKIJEE JÜNAJÜIN TÜ VIDEOKOT ¿YAPASHICHE EERA PIA EEJAʼALAA SÜMÜLE WANEE KASA? JUSOUTA SHIʼIPAJEE PÜTCHIKAT TÜÜ:
¿Kasa paaʼinrajatka süpüla yapain pia eejaʼalaa sümüle wanee kasa?
¿Kasa paaʼinrajatka süpüla pükaalinjain na waneinnua eejaʼalaa sümüle wanee kasa?