Pükaalinja püpüshi süpüla talatüin maʼin naaʼin

Talatüshi Jehová niʼrüle talatüin waaʼin sümaa wapüshi (Sl 127:3-5; Ec 9:9; 11:9). Eeshii nnojoliire aijiraain maʼin waya sutuma shapaʼawaliin waaʼin jee shiale sutuma waaʼinrüin wanee kasa nnojotka anain. ¿Kasa naaʼinrajatka wanee wayuu sümaa nuʼwayuuse jee namaa nachonnii süpüla talatajiraain maʼin naya?

Anale maʼin nukuwaʼipa wanee wayuu kojutusü nümüin tü nuʼwayuusekat (1Pe 3:7). Alatitshi nia kaʼi sümaa, niyaawata aaʼu tü sukuwaʼipakat, nütüjaa aaʼu tü kasa eekat süpüla suuntuin, naapüin analuʼutkat sümüin saaʼujee tü kasa saaʼinrakat nüpüleerua otta napüleerua nachonnii (Col 3:15). Nüküjain sümüin alin shia nüpüla otta anain sutuma tü saaʼinrakat (Pr 31:28, 31).

Anale maʼin sukuwaʼipa wanee wayuu sükaalinjain chi suʼwayuusekai (Pr 31:12). Jüüjüüsü shia nümüin otta aʼyataajiraasü shia nümaa (Col 3:18). Kamaneesü shia suluʼu sünüiki nümüin otta anasü sünüiki nüchiki namüin na waneinnua (Pr 31:26).

Anale maʼin nakuwaʼipa na kachonniikana alatitshii naya kaʼi namaa nachonnii (Dt 6:6, 7). Naküjain namüin nachonnii alin naya napüla (Mt 3:17). Natüjaa aaʼu nachiaainjanain naya süpüla anainjatüin nakuwaʼipa jee naaʼinrüin tia soʼu tü kaʼi anakalü oʼu shia sümaa anain sukuwaʼipa natuma (Éf 6:4).

Anale maʼin nakuwaʼipa na tepichikana, kojutushii namüin nashi jee nei otta oonooshii naya sümaa nanüiki (Pr 23:22). Naküjain namüin tü jülüjakat naaʼin jee jamüin naaʼin. Naapaa amaalü tü nachiaakalü oulia naya (Pr 19:20).

SÜCHIKIJEE JÜNAJÜIN TÜ VIDEOKOT WAAʼINRAJATKA SÜPÜLA TALATAJIRAAIN WAAʼIN SÜMAA WAPÜSHI, JUSOUTA SHIʼIPAJEE PÜTCHIKAT TÜÜ:

¿Kasa naaʼinraka chi wawalakai sümaa tü nuʼwayuusekat jee namaa nachonnii süpüla talatajiraain maʼin naya?