WAKUWAʼIPA SÜNAIN ANOUJAA
Aʼyataashii na laülaashiikana süpüla anain nakuwaʼipa na anoujashiikana
Wainma na nnojoliikana anain tü jülüjakat naaʼin nachiki na aapünakana amüin laülawaa. Jülüjasü naaʼin tia süka nnojoluin anain sukuwaʼipa aluwatawaa natuma. Alatüsü tia sümaiwa jee alatüsü shia maaʼulu (Miq 7:3). Naatapejeʼe nakuwaʼipa na aʼyataashiikana nümüin Jehová. Nikirajüin Jehová na laülaashiikana süpüla anain natuma tü laülawaa aapünakat namüin (Est 10:3; Mt 20:25, 26).
Naata nakuwaʼipa na laülaashiikana noulia na wayuu aapünakana amüin laülawaa. Aʼyataashii naya süka alin Jehová napüla otta alin napüla na wawalayuukana (Jn 21:16; 1Pe 5:1-3). Jüüjüüshii naya sümüin tü nümakat Jesús, nakaalinjain na wawalayuukana süpüla aijiraain naya jee süpüla aleewain naya nümaa Jehová. Eemaatüshii naya süpüla nakatsüinrüin naaʼin na wawalayuukana. Sülatalaʼa sümüle wanee kasa, awataamaatüshii naya sünain akaalinjaa na wawalayuukana. Choʼujaale pümüin kaalinwaa, puchunta shia nümüin wanee laülaashi puutkajaaka amaa (Snt 5:14).
SÜCHIKIJEE JÜNAJÜIN TÜ VIDEOKOT NAAʼINMAJÜIN WAYA NA LAÜLAASHIIKANA, JUSOUTA SHIʼIPAJEE TÜÜ:
¿Jamüsü sukuwaʼipa Mariana sutuma nakaalinjain shia na laülaashiikana?
¿Jamüsü nukuwaʼipa Elías sutuma nakaalinjain nia na laülaashiikana?
Sutuma tü piʼrakat suluʼu tü videokot, ¿jamüsü paaʼin sutuma tü naaʼinrakat na laülaashiikana wapüleerua?