WAKUWAʼIPA SÜNAIN ANOUJAA
Nükatsüinrüin Jehová naaʼin na yüülakana aaʼin
Eesü mojuwaire waaʼin, nnojotpejeʼe maluʼuluin tia seemiajaain wanoula. Akaʼaya Jehová, eesü mojuwaire naaʼin (Gé 6:5, 6). ¿Kasa waaʼinrajatka yüürale waaʼin jee mojule waaʼin waneepia?
Puchunta kaalinwaa nümüin Jehová. Jülüjasü naaʼin Jehová jamüin waaʼin, nütüjaa aaʼu talatüle waaʼin jee mojule waaʼin. Nütüjaa aaʼu tü kasa mojukalü atuma waaʼin (Sl 7:92). Eesü süpüla nükatsüinrüin waaʼin Jehová mojule waaʼin jee yüürale waaʼin. Naaʼinrüin tia süka alin waya nüpüla (Sl 34:18).
Paaʼinra waneirua kasa süpüla anain paaʼin. Nnojotsü talatüin waaʼin mojule waaʼin waneepia otta eesü süpüla seemiajaain wanoula. Makalaka anain eejüle waaʼin suulia tü kasa mojusü antajaakat wekiiruʼumüin otta suluʼumüin waaʼin (Pr 4:23).
SÜCHIKIJEE JÜNAJÜIN TÜ VIDEOKOT JIMATÜSÜ NAAʼIN NA WAWALAYUUKANA MAYAAINJEʼE MOJUIN NAAʼIN, JUSOUTA SHIʼIPAJEE TÜÜ:
¿Kasa saaʼinraka Nikki süpüla süchecherüin saaʼin suulia tü mojuukalü aaʼin?
¿Kasa shiyaawataka atuma Nikki anain suʼunule nümaʼanamüin wanee tottoot? (Mt 9:12).
¿Kasa saaʼinraka Nikki süpüla suchuntuin kaalinwaa nümüin Jehová?