KOROLO KOJUTUSÜ SULUʼUKA TÜ BIBLIAKAT

Süka alin waya nüpüla Jehová, naaʼinmajüin waya suulia nimeejüin waya Satanás

Nunoujireein waya Satanás sünain niain Jehová kasirüin tü müliaa weʼrakat (Job 8:4).

Nunoujireein waya Satanás sünain nnojoluin kasajatüin nümüin Jehová woonoole sümaa nünüiki (Job 9:20-22; w15-S 1/7 12 püt. 3).

Saaʼujee alin maʼin waya nüpüla Jehová, nükaalinjain waya süpüla ayatüin waʼyataain nümüin jaʼitairü kasain alatüin wamüin otta suulia nimeejüin waya Satanás (Job 10:12; Sl 32:7, 10; w21.11 6 püt. 14).

Wanee wawala ashajaka sümaa jülüjain saaʼin tü anasü shiʼrakat nutuma Maleiwa. Suluʼu tü palajatkat ayaakuaa weʼrüin kakoloin sümüin wanee wawala sümaa nuʼwayuuse, suluʼu tü wane ayaakuaakat weʼrüin akoʼojooin wanee wawala sünain suluʼu tü Piichi Outkajaaleekat otta suluʼu tü chiiruaajatkat ayaakuaa weʼrüin sünajüin tü programa ojuʼitawaikat kashiwai suluʼu JW Broadcasting.

PUUʼULAKA PAAʼINRÜIN TÜÜ: Piʼrüle wanee müliaa, jülüja paaʼin tü naaʼinrakat Jehová püpüleerua. Püshaja shia suluʼu wanee karaloʼuta jee paashajeʼerawai shia. Paaʼinrüle tia, süchechereerü paaʼin soʼunnaa müliaa.