mwb23 nowienpüroʼu süp. 4
Nnojo washatüin nukuwaʼipa Elifaz wamüliajapa naaʼin na waneinnua

Wakuwaʼipa otta Waʼyataain nümüin Maleiwa. Wekirajaayainjatü sünain tü outkajawaakat (2023)

mwb23 nowienpüroʼu süp. 4

KOROLO KOJUTUSÜ SULUʼUKA TÜ BIBLIAKAT

Nnojo washatüin nukuwaʼipa Elifaz wamüliajapa naaʼin na waneinnua

Nüküjain Elifaz nümüin Job nnojoluin talatüin naaʼin Jehová sutuma wayuu (Job 15:14-16; w05-S 15/9 26 püt. 4, 5).

Müshi mojulaayaakai naaʼin Job naashin Elifaz, müshijeseʼe niʼrüin müliaa (Job 15:20).

Nnojotsü amülialaain naaʼin Job sutuma tü nümakat Elifaz (Job 16:1, 2).

Mojusü nünüiki Elifaz nümüin Job sümaa niiʼiyatüin nia süka najapü, eʼikaajüsü nütapaʼa Job otta yalashii na naʼaleewainyaashiikana Job sünain ananajaa naaʼu.

Alawaa tü nümakat Elifaz nümüin Job. Kojutusü maʼin nümüin Jehová tü waaʼinrakat sünain aʼyatawaa nümüin (Sl 149:4). Shiimainña, eeshii süpüla neʼrüin müliaa na wayuu lotokana akuwaʼipa (Sl 34:19).

PÜSAKIRA PAAʼIN: «¿Jamüinjatü sukuwaʼipa tanüiki süpüla tamülialüin naaʼin na mojukana aaʼin?» (1Te 5:14; w15 2/1 11 püt. 16).