Puuʼulaka tüü
¿Kasa wekirajaainjatka anain palajana?
Eesüjaʼa kapüleere wamüin wekirajaain süpüshuaʼa tü wekirajaweekalü anain wamüiwaʼa suluʼujee tü Bibliakat. ¿Kasa paaʼinrajatka süpüla pajayatüin kaʼikat süpüla pikirajaain? Palajana, nnojo püshapajaain sünain aashajeʼeraa tü pikirajaakalü anain, shia anaka aluʼu paliʼirüle shia putuma.
Tü wane kasa paaʼinrajatkat shia pütüjaale saaʼu tü anakat süpüla pikirajaain anain palajana (Éf. 5:15, 16, TNM). Anasü paaʼinrüle tüü:
Paashajeʼera tü Bibliakat soʼukaiwai (Sal. 1:2). Paashajeʼera tü kapiitulo aashajeʼennakat semaanawai sünain tü outkajawaakat Wakuwaʼipa otta Waʼyataain nümüin Maleiwa.
Pikirajaa sünain tü ekirajaanajatkalü anain sünain tü outkajawaakat. Yapa putuma süpüla pusoutuin sünain (Sal. 22:22).
Pikirajaale maʼin, anasü paashajeʼerüle tü pütchi ojuʼitawaikat suluʼu Aapiria Wayuu, ¡Eeja Waaʼin!, tü pütchi eʼitaanakat suluʼu jw.org jee pünaja tü videokot.
Pikirajaa sünain wanee pütchi pütüjaweeka maʼin aaʼu. Eesü süpüla pikirajaain sünain wanee pütchi jalouijeetka pümüin süpüla punoutuin wanee kasa alataka pümüin jee shiale wanee pütchi pütüjaweeka aaʼu suluʼujee tü Bibliakat. Eesü süpüla puusütüin sooʼomüin tü paaʼinrajatkat suluʼu jw.org eere sümüin «Actividades para estudiar la Biblia».