¿Jara woʼunuinjatka achiirua süpüla anain wakuwaʼipa?
Süka suʼwanajaain sukuwaʼipa tü mmapaʼakat eesüjaʼa wainmajüle waaʼin aneerüle wakuwaʼipa sutuma tü kasa waneekakat maaʼulu. ¿Kasa wayaawateetka akajee nnojoleerüin mojuin mapeena tü anakat wamüin maaʼulu?
Nnojoleerü mojuin pukuwaʼipa püneeküle wanee kasa wanaapünaa sümaa tü sümakat tü Bibliakat, jama nümaʼanajeejatüin shia chi Kakumalakai waya. Nütüjaa aaʼu tü choʼujaakat süpüla talatüinjanain waya jee tü anainjatkalü atuma wakuwaʼipa.
«Nüküjaitpasaʼa pümüin süchiki tü kasa anasükat» (Miqueas 6:8).
Wainma tü kasa wayaawatakalü akajee jaloulin wamüin tü sümakat tü Bibliakat. Jalouijeerü shia süpüla kaʼikat süpüshuaʼa (Salmo 111:8).
Anasü piyaawatüle saaʼu süka paaʼin pümüiwaʼa jalouijeerüin pümüin maaʼulu tü sümakat tü Bibliakat.