Wanee aʼyatawaa anashaatasü maʼin
1. ¿Kaseerü waaʼinraka kojutüle wamüin tü aʼyatawaakat nümüin Maleiwa?
1 ¿Jamüshii waluwataanaka pejeewa sünain akatalaa kaʼi otta süpüshuaʼa tü kasa wamaʼanakat süpüla aküjaa pütchi? ¡Shia süka shiain wanee aʼyatawaa anashaatasü maʼin! Wasakireʼerüle waaʼin sünain tü kasa anasü eekat sutuma, keeʼireejeerü waaʼin waainjüin tia aʼyatawaa nnojoleetkat aainjünüin süchikuaʼa (Aluw. 20:24).
2. ¿Jamüsü wuleka nünülia Jeowa sutuma waküjüin pütchi?
2 Wulesü nünülia Jeowa sutuma. Sutuma süküjünüin pütchi atüjaana aaʼu sajaʼttinneerüin naluwataaya na wayuukana sutuma Nuluwataaya Maleiwa otta nnojoleerü eein tü kasa müliakat atuma na wayuukana (Mat. 6:9, 10). Atüjaaneerü aaʼu niain neʼe Jeowa taasheenain atuma waya suulia tü ayuuliikat otta tü ouktaakat (Isa. 25:8; 33:24). Süka weʼraajünüin süka nünülia Jeowa, aʼwaajüneechi nia natuma na wayuukana talatüle waaʼin otta anale wakuwaʼipa sünain aküjaa pütchi (1 Ped. 2:12). ¡Talatüshii maʼin waya süka weʼraajirüin nünülia Jeowa sainküin tü Mmakat! (Sal. 83:18.)
3. ¿Jamüsü nakuwaʼipa na oonookana sümüin tü pütchi aküjünakat?
3 Katüsü soʼu wayuu sutuma. ‹Süka nücheküin Maleiwa shiyaawajaainjatüin wayuu suulia saainjala. Nnojotsü nücheküin eeinjatüin wayuu eekai amüloulin› (2 Ped. 3:9). Maküjuule pütchi namüin, nnojoleerü natüjaain aaʼu tü kasa anakat jee tü kasa mojukat nümüin Maleiwa (Jon. 4:11; Rom. 10:13-15, NM). Wanaa sümaa noonooin wanee wayuu sümüin tü pütchi anasükat, kateerü noʼu waneepia otta anouktaasü nukuwaʼipa maaʼulu süka nuuʼulaain suulia aainjaa kasa mojusü (Miq. 4:1-4). Waküjüle pütchi waneepia kateerü noʼu na aapajakana wanüiki otta wayakana (1 Tim. 4:16). ¡Anashaatakatche maʼin sünainpünawaa aʼyatawaakat tüü!
4. ¿Jamüshii wekirajüinjanaka otta waküjüinjanaka maʼin pütchi?
4 Alüʼütsü süpüla najaʼttinnüin na wayuu mojulaashiikana suʼunnaa tü mülia miyoʼusükat, akatsaʼa nayeena kataka oʼuu na aʼwaajakana Jeowa. Makalaka shiain tü aküjaakat pütchi otta tü ekirajaakat wanee aʼyatawaa anashaataka maʼin, anaka atuma sukuwaʼipa wayuu maaʼulu. ¡Weeʼiyata süka wakuwaʼipa palajanain shia watuma! (Mat. 6:33, NM.)