Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
SETTIENPÜROʼU 4-10
KOROLO KOJUTUSÜ SULUʼUKA TÜ WIWÜLIAKAT EZEQUIEL 42-45
«Akumajaasü süchikuaʼa tü anoujaa shiimainsükat»
(Ezequiel 43:10-12). »Akaʼatajaʼa joo piakai süchon wayuu, püküja namüin na wayuu chakana Israel süchiki tü kasa piʼrakat, süpülajatü mojuin naaʼin saaliijee tü kasa mojusü naaʼinrakat. Nemeriijüinjatü tü miichikat. 11 Müleka mojule joo naaʼin sutuma neʼrüliin wayumüin, piiʼiyata namüin shiyaakua tü aʼwaajüleekat otta sajaʼapüin, piiʼiyata namüin soʼukot tü miichikat jalapünaainjatü ekerotuin wayuu otta süpüshuaʼale tü sünainpünaakat tia miichikat. Piiʼiyata namüin süpüla jülüjüin shia naaʼin otta nashaʼwaleʼerüin wanee makat aka saaʼin tia. 12 Anuu tü taluwataakalü anain sünainpünaa tü miichikat. Wuleesü maʼin eere sukumajünüin miichikat chaa saaʼu tü uuchikat. Tüü, shia tü taluwataakalü anain sünainpünaa tü miichikat.
w99-S 1/3 süp. 8 püt. 3
Jülüjaa maʼin paaʼin tü aʼwaajüleekat
3 Tü kasa niʼrakat Ezequiel suluʼusü shia mekietsat kapiitulo suluʼu tü karaloʼutakat nüshajakat. Naapüin Jeʼwaa nünüiki namüin na Israeliita chajanakana Babilonia otta achecheraasü nanoula sutuma tia. Akumajaainjatü süchikuaʼa tü anoujaa shiimainsükat. Wata naalii na aʼyataakana nümüin Jeʼwaa atütüleʼeraka naaʼin sutuma tü niʼrakat Ezequiel. ¿Jamüsü maʼaka shia? Wekirajaa süchiki jamaluʼuluin namüin na Israeliita chajanaka Babilonia tü kasa niʼrakat Ezequiel. Pienchisü kasa sünainpünaakat tia: Tü aʼwaajüleekat, na sacerdootekana, na ekiipüʼükana otta tü mmakat.
it-2-S süp. 1102 püt. 6
Aʼwaajülee
Tü aʼwaajülee niʼrakat Ezequiel. Soʼu tü juyakat 593 Sü.W. sülatapa 14 juya süchikijee sajaʼttinnüin Jerusalén otta tü aʼwaajülee nukumajalakat Salomón, soʼu kaʼikat tia Ezequiel chi nünüikimaajachikai Maleiwa, niʼrüin wanee aʼwaajülee Jeʼwaa miyoʼushaata maʼin saaʼujatü wanee uuchi (Eze 40:1, 2). Süpüla nayaawajaainjanain na Judíokana suulia naainjala nuluwataain Jeʼwaa Ezequiel süpüla nüküjain namüin süpüshuaʼale tü kasa niʼrakat (Eze 40:4; 43:10, 11). Lotusü maʼin sukuwaʼipa shimeriijia tü aʼwaajüleekat nümüin Ezequiel süka tü kanüliakat «caña» (caña larga: 3,11 m.) otta müsia «codo» (codo largo: 51,8 cm.). (Eze 40:5, noota.) Süka lotuin maʼin shimeriijia tü aʼwaajüleekat, eeshii eeka namüin nüshatüin shia Zorobabel nukumajapa wanee aʼwaajülee süchikijee nojuʼitüin na Judíokana Babiloniajee. Nnojotpajaʼa atüjaanüin aaʼu shiimainre tia.
(Ezequiel 44:23). »‹Jikirajaa na tapueulosekana süpüla nayaawatüin saaʼu tü kasa yarüttüsükat otta tü kasa wulesükat.
(Ezequiel 45:16). »‹Otta müshia joo napüshuaʼa na wayuu sainküinkana mma asoutajana nümüin chi laülaashikai yaa saaʼu Israel, saaʼu tü asülajuushikat.
w99-S 1/3 süp. 10 püt. 10
Jülüjaa maʼin paaʼin tü aʼwaajüleekat
10 Atütülaakajasaʼa maʼin naaʼin na Judío chajanakana paala Babilonia sutuma tü niʼrakat Ezequiel, eeinjatü wanee mma apaalaa namüin napüshuaʼa (anasü paashajeʼerüle Miqueas 4:4). Yaletüinjatü atumawaa tü aʼwaajaa shiimainsükat. Nashin Ezequiel chi laülaashika maka aka naaʼin chi sacerdootekai kepiainjachi suluʼu wanee mma akatannüsü nüpüla natuma na wayuukana (Ezequiel 45:16). Shikeraajapa tü nümakat Ezequiel akaaliinjünüinjana na wayuu niʼitaaka Jeʼwaa süpüla laülawaa süpüleerua tü pueulokot otta jüüjüüinjana naya namüin. Tü Niʼrakat Ezequiel shiyaawasesü anainjatüin maʼin sukuwaʼipa tü nupueulosekat Jeʼwaa otta aʼyataajiraainjana sümaa jimatüin naaʼin.
Püchajaa süchiki kaaʼürüi suluʼu tü Wiwüliakat
(Ezequiel 43:8, 9). Süka jüshaʼwaleʼerüin süsaʼa tü miichikat wanaa sümaa süsaʼa tü aʼwaajüleekat, tü yalakat soʼuluʼu tü miichikat. Jüshaʼwaleʼerüin süsepü tü miichikat peje sünain tü tepiakat. Naʼyarülajaain tü tanüliakat süka tü kasa yarüttüsü naaʼinrakat, tajaʼttiraka naya napüshuaʼa sutuma jashichin maʼin taya. 9 Shia anaka aluʼu müleka nooʼulaale suulia amaʼüjirawaa akuwaʼipa otta suulia aʼwaajaa na aluwataalii outüshiikana. müleka naaʼinrüle tia yaleechi taya naʼaka süpüla kaʼikat süpüshuaʼa.
it-2-S süp. 501 püt. 4
Anülia
Mojutusü tü nünüliakat Jeʼwaa natuma na israeliitakana süka nnojoluin noonooin sümaa tü nuluwataakalü anain, mayaainjeʼe nünülialuʼuin naya Jeʼwaa paala (Eze 43:8; Am 2:7). Süka süsalain naya naainjala nutuma Jeʼwaa, eesüjaʼa süpüla mojuin nanüiki na nnojoliikana israeliitain. (Anasü paashajeʼerüle Sl 74:10, 18; Isa 52:5). Süka nnojoluin nayaawatüin saaʼu tia, nnojotsü nanoujain sünain naaʼinmajünüin na Israeliitakana nutuma Jeʼwaa. Süka wulein tü nünüliakat nutuma Jeʼwaa nojuʼitirüin waneinnua israeliita chajanakana Babilonia (Eze 36:22-24).
(Ezequiel 45:9, 10). »Anuu tü nümakat Jeʼwaa chi Miyoʼushikai saaʼu kasa süpüshuaʼa: ‹¡Keraashi taya juulia, jia aluwataalii chakana Israel!›. »‹Juuʼulaa suulia tü kasa yarüttüsü jaaʼinraka, shia anaka aluʼu müleka jaaʼinrüle tü kasa lotusükat. Jaapa sümüin tapueulose tü noumainka tü jüsütakat namüin paala, müsü tü nünüikikat Jeʼwaa chi Miyoʼushikai saaʼu kasa süpüshuaʼa. 10 Loto jutuma sukuwaʼipa tü pesakat wanee efá otta wanee bato.
it-2-S süp. 170
Lotoo akuwaʼipa
Müleka keeʼireere naaʼin wanee wayuu anain nukuwaʼipa noʼuluʼu Jeʼwaa, nuchuntüin Jeʼwaa nümüin noonooinjachin sümaa tü nuluwataakalü anain nia otta niyaawatüinjatü saaʼu kasain nuchuntaka maʼin Jeʼwaa nümüin (Isa 1:17, 18; 10:1, 2; Jer 7:5-7; 21:12; 22:3, 4; Eze 45:9, 10; Am 5:15; Miq 3:9-12; 6:8; Zac 7:9-12).
Wetsiikulo aashajeʼennajatkat
(Ezequiel 44:1-9). Nümaaka taya tachikuaʼa pejepünaa sünain soʼukot tü aʼwaajüleekat. Tü chakat chaa anuuipaʼa, chasü shiʼipapaʼa wüinpümüin otta süttüsü shia. 2 Nümakalaka Jeʼwaa tamüin: «Otta müsia joo puettoʼukot tüü, ayateerü neʼe jutatüin. Nnojoleerü jutatüin shia süchikuaʼa, nnojoleechi ekerotuin waneeyaakaijeʼe wayuu suluʼu, süka niain Jeʼwaa chi Sümaleiwasekai Israel chi ekerotokai suluʼu, ayateerü shia süttüin. 3 Aluʼuinjaʼa chi laülaainjachikai tatuma, nieechi chi ekerotuinjachikai suluʼu, aikalaainjachi nia sünain ekaa pan nümülatuʼu Jeʼwaa. Ekeroteechi nia eere süsaʼa tü miichikat otta ojuʼiteechi nia yalapünaʼaya». 4 Nümaashi joo taya eere tü puettoʼu palaajeeruʼukat, niiʼiyataka tamüin suluʼupünaa tü miichikat, ¡kaatei! teʼrakalaka naʼanasia Jeʼwaa suluʼupünaa tü miichikat, taʼwachiraaka mmoluʼu. 5 Nümakalaka Jeʼwaa tamüin: «Piakai nüchon wayuu, piʼitaa tüü suluʼu paaʼin, pünaja otta paapaja tü tamaka joo pümüin süchiki tü miichikat, tü kasa taluwataakalü anain sünainpünaa tü nipiakat Jeʼwaa. Yaainjatü tü paaʼinkat saaʼu süpüshuaʼale tü soʼukot tü aʼwaajüleekat. 6 Maa pünüiki sümüin tü wayuukalüirua eʼrüliikana wayumüin chaa Israel: ‹Anuu tü nümakat Jeʼwaa chi Miyoʼushikai saaʼu kasa süpüshuaʼa: «Keraashi taya suulia tü kasa mojusü jaaʼinrakat otta suulia tü kasa yarüttüsü jaaʼinraka, 7 wanaa sümaa jikerotirüin suluʼu tü tepiakat na wayuu keejiakana amüin aaʼinraa kasa yarüttüsü, naʼyarülajaain tü tepiakat wanaa sümaa nantüin süka tü pankat sümaa saüsü otta süsha mürüt. Namojujaain tü pütchi tapansaajakat jümaa süka tü kasa yarüttüsü jaaʼinrakat. 8 Nnojotsü jaaʼinmajüin tü korolo wulesü suluʼukat tü tepiakat, naata neʼe na jiʼitaakana süpüla naaʼinmajüin tü miichikat»›. 9 »‹Anuu tü nümakat Jeʼwaa chi miyoʼushikai saaʼu kasa süpüshuaʼa: «Nnojoleena ekerotuin suluʼu tü aʼwaajüleekat na wayuu keejiakana amüin aaʼinraa kasa yarüttüsü, naya na wayuu naatakana oumain suluʼukana Israel».›
SETTIENPÜROʼU 11-17
KOROLO KOJUTUSÜ SULUʼUKA TÜ WIWÜLIAKAT EZEQUIEL 46-48
«¿Kasa anasü neʼrüinjatkat na Israeliitakana nojuʼitapa suluʼujee Babilonia?»
(Ezequiel 47:1). Nümaaka taya jiatta suluʼumüin soʼukot tü miichikat, ¡kaatei!, teʼrakalaka palatüin wüin wüinpejeeruʼu shiʼipoʼujee tü miichikat. Sekuatsü tü wüinkat wünaapünaajee, shikialuʼujee tü miichikat uuchijeeruʼu sünain tü aʼajüleekat.
(Ezequiel 47:7-12). Shiasaʼa joo taleʼejapa, teʼrakalaka watta saalii wunuʼuirua sotpünaa tü süchikat, eejatü wunuʼu yaajeeruʼu jee wanee saʼata tü süchikat. 8 Nümakalaka tamüin: «Wüinkat tüü antüsü chamüin winnaa, alatüinjatü shia suluʼupünaa tü mmakat Arabá eemüin tü palaakat. Süka antüin tü wüinkat shirokumüin tü palaakat, wulesü atumawaa tia wüinkat. 9 Otta müsia jooluʼu sülatüle tü süchi miyoʼukat maʼin süʼütpaʼa wanee kasa wayuu kateerü soʼu sünainjee, watteerü maʼin saalii jime suluʼu tia süchikat. Süka antüin tü wüinkat shirokumüin tü palaakat, wulesü atumawaa shia. Eeinjatü kataa oʼu eemüin süntüin tü süchikat. 10 » Otta müshia joo na ejimejüliikana anteena sünain olojoo jimee shiroku tü süchikat, anteena naya suluʼujee tü mmakat En-guedí sünainmüinreʼeya En-eglaim. Eeinjatü wanee süpülee oosojoo kusu. Watteerü maʼin saalii jime suluʼu otta jime naatajannuu maʼaka saaʼin tü shirokukat tü palaa Miyoʼusükat. 11 »Suluʼu tü süchikat eeweerü eere piratüin pootshi otta ayateeria neʼe palaain tü wüinkat, nnojoleerü shia jemetüin. 12 »Watteerü maʼin saalii wunuʼulia ekaajünaka achon, wüittashaatasü shiairua waneepia, kachonjeerü shia waneepia. Kachonjeerü shia kashiwai sutuma tü wüin antakat nipialuʼujee Maleiwa, shiküinjatü wayuu süchon tü wunuʼuliakat otta shipinaseinjatü ayuulii tü süpanakat».
w99-S 1/3 süp. 10 püt. 11, 12
Jülüjaa maʼin paaʼin tü aʼwaajüleekat
11 ¿Anainjatche ee sukuwaʼipa tü mmakat nutuma Jeʼwaa? lotusü maʼin süküjia tia nutuma Ezequiel. Palatüinjatü wüin eejee tü aʼwaajüleekat, miyoʼu miyoʼu müsü mapa süntaleepa sünainmüin mar Muerto. Antaa müsia watta saalii wayuu sünain ejimejaa sotpaʼa tü palaakat. Watta saalii wunuʼulia sotpünaa tü süchikat sümaa kachoin maʼin shia suʼunnaa juyakat, eküsü wayuu sünainjee otta shipinasesü shia ayuulii (Ezequiel 47:1-12).
12 Namüin na Judío chajanakana paala Babilonia, kojutüsü maʼin tü kasa niʼrakat Ezequiel süka wanaawain sümaa waneeirua pütchi nüküjaka achiki Jeʼwaa namüin. Wainmatua naküjain na nünüikimaajanakana Maleiwa süchiki wanee mma anasü müinjatü aka saaʼin wanee paʼaraiisü, jamüsüjaʼa süchiki tü isashiipaʼa aküjünakalü achiki, anainjatüin maʼin shia süpüla apünajaa (Isaías 35:1, 6, 7; 51:3; Ezequiel 36:35; 37:1-14). Makalaka naʼatapajüin na Israeliitakana shikeraajüinjatüin tü nüküjakalü achiki Jeʼwaa, neʼreein tü kasa anasü maʼaka saaʼin wanee wüin palatüsü otta akumajaainjatü süchikuaʼa tü anoujaa shiimainsükat. Akaaliinjünüinjana naya natuma wayuu laülaakana aaʼin sünain anoujaa otta lotokana maʼin akuwaʼipa. Müinjana aka saaʼin wunuʼu süʼütpaʼa süchi. Naashin Isaías «wunuʼu miyoʼuyuu lotokana akuwaʼipa» naya. Nashaʼwaleʼerüinjatü süchikuaʼa tü pueulo ajaʼttirünaka paala (Isaías 61:3, 4).
(Ezequiel 47:13, 14). Anuu tü nümakat Jeʼwaa chi Miyoʼushikai saaʼu kasa süpüshuaʼa: «Anuu tü mma apaalaainjatkat jümüin waneʼewai jukua, tü poloo piamasükat eʼiruku Israel, piamasü shiʼipa tia mmakat nümüinjatü shia José. 14 Wanaawainjatü tü apaalaa aapünajatka jümüin waneʼewai jukua, taküjatüjülia achiki tia mmakat sünain taapüinjatüin shia namüin na jutuushinuukana. Aapüneerü tia mmakat jümüin otta ashantanajiraainjana jia saaʼu.
w99-S 1/3 süp. 10 püt. 10
Jülüjaa maʼin paaʼin tü aʼwaajüleekat
10 Atütülaakajasaʼa maʼin naaʼin na Judío chajanakana paala Babilonia sutuma tü niʼrakat Ezequiel, eeinjatü wanee mma apaalaa namüin napüshuaʼa (anasü paashajeʼerüle Miqueas 4:4). Yaletüinjatü atuma tü aʼwaajaa shiimainsükat. Nashin Ezequiel chi laülaashika maka aka naaʼin chi sacerdootekai kepiainjachi suluʼu wanee mma akatannüsü nüpüla natuma na wayuukana (Ezequiel 45:16). Shikeraajapa tü nümakat Ezequiel akaaliinjünüinjana na wayuu niʼitaaka Jeʼwaa süpüla laülawaa süpüleerua tü pueulokot otta jüüjüüinjana naya namüin. Tü Niʼrakat Ezequiel shiyaawasesü anainjatüin maʼin sukuwaʼipa tü nupueulosekat Jeʼwaa otta aʼyataajiraainjana sümaa jimatüin naaʼin.
(Ezequiel 48:9, 10). »Otta müsia joo tü mma jükatalüinjatka tapüla, 25 miit [codos] sajaʼapüin otta 10 miit codos seerulüin. 10 Tüü shia tü kasa wulesü jüsülajüinjatkat namüin na sacerdootekana, 25 miit [codos] sajaʼapüin palaajeeruʼu, 10 miit codos seerulüin wopumüin otta 10 miit codos seerulüin wüinpümüin jee 25 miit [codos] seerulia uuchijeeruʼu.
Püchajaa süchiki kaaʼürüi suluʼu tü Wiwüliakat
(Ezequiel 47:1). Nümaaka taya jiatta suluʼumüin soʼukot tü miichikat, ¡kaatei!, teʼrakalaka palatüin wüin wüinpejeeruʼu shiʼipoʼujee tü miichikat. Sekuatsü tü wüinkat wünaapünaajee, shikialuʼujee tü miichikat uuchijeeruʼu sünain tü aʼajüleekat.
(Ezequiel 47:8). Nümakalaka tamüin: «Wüinkat tüü antüsü chamüin winnaa, alatüinjatü shia suluʼupünaa tü mmakat Arabá eemüin tü palaakat. Süka antüin tü wüinkat shirokumüin tü palaakat, wulesü atumawaa tia wüinkat.
(Ezequiel 48:30). »Anuu sajaʼapüin tü mmakat chaa palaajeeruʼu 4 miit 500 [codos] sajaʼapüin.
(Ezequiel 48:32-34). »Jee chaa wüinpejeeruʼu 4 miit 500 [codos] sajaʼapüin, eesü apünüinsü puettoʼu: Wanee shia nüpuettoʼuse José, wanee nüpuettoʼuse Benjamín, wanee nümüin Dan. 33 »Otta uuchijeeruʼu 4 miit 500 [codos] sajaʼapüin, apünüinsü puettoʼu eeka chejeeruʼu. Wanee nüpuettoʼuse Simeón, wanee nümüin Isacar otta wanee nümüin Zabulón. 34 »Eere sajaʼttüin tü pueulokot wopujeeruʼu 4 miit 500 [codos] sajaʼapüin, apünüinsü puettoʼu eeka chejeeruʼu. Wanee nüpuettoʼuse Gad, wanee nümüin Aser otta wanee nüpuettoʼuse Neftalí.
w99-S 1/3 süp. 11 püt. 14
Jülüjaa maʼin paaʼin tü aʼwaajüleekat
14 ¿Shiache neʼe tüü ekeraajakat sünainjee tü pütchi nüküjakalü achiki Ezequiel? Nnojo, kojuyasü sukuwaʼipa shikeraajia tia pütchikat. Mayaainjeʼe noʼunüin maʼin noʼutku na Judíokana süchiirua süpüshuaʼale tü kasa niʼrakat Ezequiel nnojotsü ekeraajüinjatüin süpüshuaʼale tü nümakat. Jamüsüjaʼa tü aʼwaajülee niʼrakat Ezequiel miyoʼushaata maʼin süpüla sukumajünüin, jaʼitakajeʼe tü uuchikat Moria nnojotsü wanaawain sajaʼapüin sümaa. Otta müsia tü aʼwaajülee niʼrakat Ezequiel chajatü suluʼu wanee mma wattapünaa, nnojotsü chajatüin shia Jerusalén eejatüle sukumajünüin piantua tü aʼwaajüleekat (Esdras 1:1, 2). Eejatü wanee süchi ojuʼitaka suluʼujee tü aʼwaajülee niʼrakat Ezequiel, nnojotpajaʼa eejatüin wanee süchi ojuʼitaka suluʼujee tü aʼwaajülee chajatkat Jerusalén. Nnojotsü ekeraajüin süpüshuaʼale tü kasa niʼrakat Ezequiel namüin na israeliita namaiwajanakana, ekeraajeerü süpüshuaʼale tü kasa niʼrakat Ezequiel mapeena otta eesü süpüla chain ekeraajüin shia iipünaa.
(Ezequiel 47:6). Nümakalaka joo tamüin: «¿Piʼrüitpa tü piakai süchon wayuu?». Nümaaka taya sotpünaa tü süchikat chamüin takua otta chejee takua.
it-1-S süp. 1148
Süchon wayuu
Shia tü karaloʼutakat Ezequiel eere sujuʼitüin kojuyatua maʼin tü pütchikat «nüchon wayuu» alatüsü suulia 90 suchuntünakalü oʼu shia (Eze 2:1, 3, 6, 8). Münüshi nia mayaa nutuma Jeʼwaa süpüla niiʼiyatüin wayuuin neʼe nia. Sükajee tia niiʼiyatüin kojutuleein chi Maleiwa Miyoʼushikai, chi Kanainjeejachikai tü pütchikat nüküjakat Ezequiel. Müsia pütchi nümüin Daniel suluʼu Daniel 8:17.
Wetsiikulo aashajeʼennajatka
(Ezequiel 48:13-22). »Otta müshia joo na leviitakana, eeinjatü namüin wanee shiʼipa mma peje nanain na sacerdootekana 25 miit [codos] sajaʼapüin otta 10 miit codos seeruluin. Sajaʼapüin süpüshuaʼa 25 miit codos otta 10 miit codos seeruluin. 14 Nnojotsü noiküinjatüin wanee shiʼipa mma otta nnojoluinjatü naʼwanajaainjatüin tia mmakat sümaa wanee kasa, süka shiain wanee kasa wulesü akatannüsü n nüpüla Jeʼwaa. 15 »Shiasaʼa tü 5 miit [codos] seeruluʼuin apütaaka yalaka peje sünain tü 25 miit codos mojutuinjatü tia sümüin tü wayuukalüirua nnojotsü kepiainjatüin wayuu suluʼu otta arüleejaa mürüt, yalaainjatü tü pueulokot pasanain sünain tia. 16 Anuu sajaʼapüin tü pueulokot: 4 miit 500 [codos] sajaʼapüin chaa palaajeeruʼu otta chaa uuchijeeruʼu 4 miit 500 codos sajaʼapüin, müinjatia neʼe sajaʼapüin chaa wüinpejeeruʼu otta wopujeeruʼu. 17 otta müsia tü mma süpülajatka arüleejaa, anuu sajaʼapüin chaa palaajeeruʼu 250 [codos], otta uuchijeeruʼu 250 codos, müinjatia neʼe sajaʼapüin chaa wüinpejeeruʼu otta wopujeeruʼu. 18 »Otta müsia tü mma apütaainjatka sünainjee sajaʼapüin, müinjatü sajaʼapüin maʼaka saaʼin tü mma akatannaka nüpüla Jeʼwaa. 10 miit [codos] sajaʼapüin chaa wüinpümüin otta 10 miit codos wopujeeruʼu. Müinjatü neʼe sajaʼapüin maʼaka saaʼin sajaʼapüin tü mma akatannakat nüpüla Jeʼwaa, otta emirainjatü wayuu sünainjee tia mmakat, na wayuu aʼyataakana suluʼu. 19 Otta napüshuaʼa na wayuu aʼyataainjanakana suluʼu tia mmakat apünajüinjana naya suluʼu tia mmakat. 20 » süpüshuaʼale tü asulajünüinjatka 25 miit [codos] sajaʼapüin otta 25 miit codos seeruluin. Müinjatü tü sukuwaʼipa tü jüsülajüinjatka nümüin a Jeʼwaa sünainjee tü pueulokot. 21 »Otta müsia tü apütaakat, nümüinjatü shia chi ekiipüʼükai, tü apütaakat yaajeeruʼu otta chejeeruʼu sünainjee tü pueulokot, saʼakajee tü 25 miit [codos] jüsülajaka paala. 22 »Otta müsia noumain na leviitakana otta tü pueulokot, nia laülaainjachika saaʼu chi aluwataashikai, palaajeeruʼuinjatü Judá otta Benjamín uuchijeeruʼu.
SETTIENPÜROʼU 18-24
KOROLO KOJUTUSÜ SULUʼUKA TÜ WIWÜLIAKAT DANIEL 1-3
«Aneerü wakuwaʼipa waneepiale waya nümaa Jeʼwaa»
(Daniel 3:16-20). Nümakalaka Sadrac, Mesac nümaa Abednego nümüin chi aluwataashikai: «Aluwataashikalee Nabucodonosor, nnojoishiireʼe waya peʼipaainjanain pümaa. 17 Nuʼtteʼereena waya chi Wamaleiwase waʼyataakai amüin. Nükaaliinjeena waya suulia jotuin sutuma tü sikikat jee suulia puʼutüin waaʼin. 18 Jaʼitakajeʼe nnojoluin müin shia, aluwataashikalee, analeekajaʼa pütüjaale saaʼu nnojoleenain waʼwaajüin na pümaleiwasekana otta nnojoleerüin waʼwaajüin tü ayaakuaa paainjiraakat süka ooro». 19 Naashichijaaka Nabucodonosor jee jaʼyasü saaʼu nuʼupünaa jashichin nia nümüin Sadrac, Mesac jee nümüin Abednego. Nuluwataaka sünain jaʼinjatüin maʼin tü sikikat akaratshitua, nnojotsü maajüin shia atumawaa. 20 Otta nuluwataaka waneinnua surulaat katchinjashii maʼin süpüla kapüin natuma Sadrac, Mesac nümaa Abednego süpüla nojutuin naya saʼaka tü sikikat.
(Daniel 3:26-29). Shiasaʼa nürütkaaka Nabucodonosor soʼuluʼu tü piichi eejatüle tü sikikat, sünain nümüin: «Sadrac, Mesac nümaa Abednego, jia aʼyataaliikana nümüin chi Maleiwa Miyoʼushikai, ¡jujuʼita yalejee, jalainna yaamüin!». Nujuʼitaka Sadrac, Mesac nümaa Abednego saʼakajee tü sikikat. 27 Jee na kanüliakana sátrapa jee prefecto namaa na aluwataaliikana nutuma chi laülaashikai yalajanakana jutkatüin, eirakaashii nümüin Sadrac, Mesac otta Abednego, nnojoishii jamajüin naya sutuma tü sikikat, nnojotsü jotuin naʼwala, nnojotsü jotuin nasheʼin jee nnojoishii sikamüsaleemain naya. 28 Jee nümakalaka Nabucodonosor: «Anashi maʼin chi maleiwa nuʼwaajakai Sadrac, Mesac nümaa Abednego, nuluwataain wanee aapiee süpüla nükaaliinjain naya süka neʼitaain naaʼin nünain, jee nnojotsü naapaain amaa nünüiki chi aluwataashikai, naapüin nekii süpüla outaa süka nnojolin naʼyataweein jee naʼwaajeein wanee maleiwa naata nuulia chi Namaleiwasekai. 29 Anuu joo tü taluwataakalü anain, eere wanee pueulo, wanee mma jee wayuu naataka anüiki, eekai mojuin anüiki nümüin chi Nümaleiwasekai Sadrac, Mesac nümaa Abednego, asholojünüinjachi nia, jee müsia tü nipiakat süpüleeinjatü wayuu amaʼüjiraaka sukuwaʼipa; süka nnojoluin eein wanee maleiwa atüjain oʼtteʼeraa maʼaka naaʼin chii».
Püchajaa süchiki kaaʼürüi suluʼu tü Wiwüliakat
(Daniel 1:5). Saapünakalaka süpüla neküinjatüin tü kasa nikakat chi aluwataashikai otta süpüla nasüin wiino. Emirainjana naya soʼu apünüin juya. Süpüla anainjatüin nayolojo mapa nuʼupala chi aluwataashikai.
(Daniel 1:8). Akaisaʼa Daniel, niʼitaatüjülia suluʼu naaʼin nnojoluinjachin niʼyarülajaain süka tü eküülü nikakat chi aluwataashikai otta süka tü wiino nüsakat. Nuchuntaka nümüin chi wayuu laülaakai naaʼu süpüla nnojoluin niʼyarülajaain.
it-2-S süp. 375
Mesac
Eesü apünüinsü kasa yarüttaka anainjee tü eküülü nikakat chi aluwataashikai: 1) eküshii na babiloniokana mürüt yarüttaka saashin tü pütchi aapünakat nümüin Moisés, 2) nnojotsü anain sukuwaʼipa shiyuʼlia süsha tia mürütkalüirua otta eesü süülünüle jee 3) tia mürütkalüirua oʼutuna aaʼinrü shia namüin na maleiwayaashiikana otta eküshii naya asalaa süpüla naʼwaajüin namaleiwase (Da 1:8; anasü paashajeʼerüle 1Co 10:18-20, 28).
(Daniel 2:44). »Ooʼulaka soʼutpünaa naluwataaya na wayuukana niʼitaajeerü chi Maleiwa sirumatuʼujeʼewaikai wanee aluwataaya matüjüinka ajaʼttaa. Nnojoleerü alatinnüin tia aluwataayakat suluʼumüin wanee mma. Sajaʼttireerü süpüshuaʼa tü aluwataayakalüirua otta shiainjatü eeka waneepia.
w12-S 15/6 süp. 17, pütchi süttaka
¿Jarat süpüshuaʼa tü aluwataayakalüirua?
Saashin Daniel 2:44, sajaʼttirajatü Nuluwataaya Maleiwa «süpüshuaʼa tü aluwataayakalüirua». Tia pütchikat shia saashajaaka achiki tü aluwataayairua sünainpünaaka tü shiyaakuakat wayuu miyoʼuka maʼin.
¿Jama tü wanee aluwataayakalüirua? Saashin tü Alateetkat Mapeena outkajeʼennüshii «napüshua na sülaülashiikana mma» süpüla natkaain nümaa Jeʼwaa «chi Maleiwa Pülashikai maʼi soʼuweena tü kaʼi kasalajaneetkat oʼu saainjala wayuu sümüin» (Alat. Map. 16:14; 19:19-21). Müsüjeseʼe sajaʼttinneerüin soʼu Armagedón süpüshuaʼa tü aluwataayakalüirua, nnojoliinjana neʼe nayain na niʼrakana Daniel.
w01-S 15/10 süp. 6 püt. 4
Tü talatajatkalü atuma wayuu
Süküjain wamüin tia Daniel 2:44: «Ooʼulaka soʼutpünaa naluwataaya na wayuukana [na aluwataakana sülüʼütpa süpüla sajaʼttüin kasa mojusü] niʼitaajeerü chi Maleiwa sirumatuʼujeʼewaikai wanee aluwataaya matüjüinka ajaʼttaa. Nnojoleerü alatinnüin tia aluwataayakat suluʼumüin wanee mma. Sajaʼttireerü süpüshuaʼa tü aluwataayakalüirua [suluwataaya wayuu] otta shiainjatü eeka waneepia». ¿Jamüsü choʼujaaka najaʼttirüin Maleiwa naluwataaya na wayuukana? Shia süka naaʼinrüin tü naaʼinrakat Satanaa chaa Edén, alaülajaweeshii namüiwaʼa jee nojuyaajüin Maleiwa. Na wayuu nnojoliikana aneein atuma sukuwaʼipa wayuu, peʼipaashii naya nümaa chi Kakumalakai kasa süpüshuaʼa (Salmo 2:6-12; Alateetkat Mapeena 16:14, 16). Müsüjeseʼe anain wasakirüle waaʼin: «¿Oonooshiiche waya sümüin Nuluwataaya Maleiwa? ¿Peʼipaataapa waya nümaa Maleiwa?».
Wetsiikulo aashajeʼennajatka
(Daniel 2:31-43). »Otta müshia piakai aluwataashikalee, shia piʼraka niyaakua wanee wayuu miyoʼushaata. Miyoʼu maʼin niyaakua chia wayuukai jee anashaatasü maʼin, shaʼwatüshi nia püʼütpaʼa jee müshi keemakai naaʼin. 32 Jee müsia nia, atüküüshi süka ooro tü nikiikat, jee tü nuʼluuwainkat sümaa tü nütünakat atüküüshi süka pülaata, atüküüshi süka cobre tü nüleʼekat sümaa tü nüpüʼükat, 33 shiaka kachueerain tü nüsaʼakat, jee müsia tü nuuʼuikat atüküüshi süka kachueera sümaa pootshi. 34 Jee ayatakaʼaya piʼrajaain nia, sujutinnaka wanee ipa, nnojotsü sükajeejatüin ipa tia, jee sujutuuka saaʼu tü nuuʼui atüküüshikat süka kachueera sümaa pootshi otta yülaʼawaka nuuʼui sutuma. 35 Jee wanaa sümaa tia, yülaʼawaleesia tü kachueerakat, tü pootshikat, tü cobrekat, tü pülaatakat otta tü oorokot, jee müsü aka saaʼin shia sawala wanee kasa eekai suʼwaajünüin jouktaleʼu otta sülüʼüjaka shia tü jouktaikat, nnojotka jaʼyain nachikanain. Jee tü ipa asheʼetirakat niyaakuaka chi wayuukai, akumajaasü wanee uuchi miyoʼu maʼin sünainjee, epirajaʼaleesia tü mmakat sutuma. 36 »Shia püʼlapüjaaka amaa tia jee taküjeerü jooluʼu pümüin jamaluʼuluin shia, aluwataashikalee. 37 Piakai aluwataashikalee, chi aluwataakai naaʼu na aluwataashiikana, piakai eʼitaanakai nutuma chi Maleiwa sirumatuʼujeʼewaikai süpüla aluwatawaa, katchinkai jee kojutukai nutuma, 38 piakai niʼitaakai ajapuluʼu na wayuukana sainküin tü mmakat sümaʼaleʼeya tü mürüt wünaʼapüjatkat sümaa tü uchiikalüirua chakat iipünaa pia kayaawasekai nikii chi wayuu piʼrakai atüküüshika süka ooro. 39 »Otta eejeerü wanee aluwataaya aluwataaka püchikumüin otta wane süchikumüin tia, tü apünüinkat meerü aka saaʼin cobre, aluwataweerü shia saaʼu mmakat süpüshuaʼa. 40 »Jee tü pienchikat, meerü kasa saaʼin kachueera, saaʼujee yülaʼawain jee sajaʼttüin wanee kasa sutuma kachueera akaweeria tü aluwataayakalüirua sutuma. 41 »Otta sükajee piʼrüin sütüküüshin tü nuuʼuikat sümaa tü süpachirakat süka pootshi sümaa kachueera, shiyaawase tia nnojoleenain paaʼinwain na wayuukana, eejeetpejeʼe tü kasa ichekat atuma naya maʼaka ichein tü kachueerakat, süka shiainjaʼa piʼrüin paliraain tü pootshikat sümaa tü kachueerakat. 42 Jee saaʼujee sütüküüshin tü süpachirakat nuuʼui süka pootshi sümaa kachueera, eejeerü tü anakalü atuma tü aluwataayakat otta eejeerü tü mojukalü atuma shia. 43 Otta saaʼujee piʼrüin sütüküüshin pootshi sümaa kachueera, paliraajeetü tü aluwataayakat namaa na wayuukana, nnojoleenapejeʼe naya paaʼinwain maʼaka nnojoluin süchecheraain kachueera sünain pootshi.
SETTIENPÜROʼU 25-OʼUTUUPÜROʼU 1
KOROLO KOJUTUSÜ SULUʼUKA TÜ WIWÜLIAKAT DANIEL 4-6
«¿Aʼyataashiche pia waneepia nümüin Maleiwa süka süpüshuaʼa paaʼin?»
(Daniel 6:7-10). Napüshuaʼa nalaüla na aluwataashiikana, na shikiipüʼükana mma, na aluwataashiikana, na sülaülakana surulaat otta na sülaülashiikana mma, outkajaashii waya süpüla wakumajüin wanee pütchi aluwataanajatka anain: wanee wayuu eekai nnojolin nuchuntüin pümüin soʼu apünüin shikii kaʼi, niale nuchuntüin amüin wanee maleiwa jee nümüin wanee wayuu, ojutünajachi suluʼu tü ishi kaluʼukat wasashi. 8 Jooluʼu aluwataashikalee, piʼitaa shikii tü pütchikat otta piʼitaa pünülia sünain süpüla nnojoluin suʼwanajaanüin, wanaapünaa sümaa tü naluwataakat anain na meedokana otta na persakana, nnojotsü asünneʼennajatüin shia». 9 Müsüjeseʼe niʼitaain nünülia Darío chi aluwataaikai sünain tü ashajuushikat otta tü aluwataanakat anain. 10 Akatsaʼa nütüjaapa saaʼu Daniel niʼitaain nünülia chi aluwataashikai sünain tü ashajuushikat, nikerotaka nipialuʼumüin sümaa jutatüin tü shiwentaanasekat Jerusalénmüin, apünüintua süpüla kaʼika nüsapainkain nia sünain aashajawaa nümaa chi Nümaleiwasekai otta nuʼwaajüin nia, maʼaka naainjapuʼuin shia weinshi süpülapünaa tia.
w10-S 15/11 süp. 6 püt. 16
Jimaʼai jee majayülü, puuʼulaa niaiwa oʼunirüin pukuwaʼipa Jeʼwaa
16 ¿Kasa akaaliinjeechika pia süpüla poonooin sümaa nünüiki Jeʼwaa jaʼitashi pümüiwaʼain pia? Shieerü akaaliinjaka pia sotule paaʼin talateechin Jeʼwaa putuma anale pukuwaʼipa jee mojeerüin naaʼin nnojoire jaa pümüin (Gén. 6:5, 6; Pro. 27:11). Sünainpünaasü nukuwaʼipa Jeʼwaa tü kasa paaʼinrakat otta saashin tü Wiwüliakat jülüjashi pia naaʼin (1 Ped. 5:7). Shia keeʼireeka naaʼin paapajüin nünüiki süpüla anain pukuwaʼipa (Isa. 48:17,18). Mojusü maʼin naaʼin Jeʼwaa sümaiwa paala wanaa sümaa neʼrüliin wayumüin na israeliitakana (Sal. 78:40, 41). Jee talatüshi maʼin nia nümaa Daniel süka müin nünüiki nümüin nükajee wanee aapiee: «Aishi maʼin pia tapüla» (Dan. 10:11, TNM). ¿Jamüshiche aika maʼin nia nüpüla? Süka waneepiain Daniel nümaa jaʼitashi saʼakain wayuu jee nümüiwaʼain nia (paashajeʼera Daniel 6:13).
w06-S 1/11 süp. 24 püt. 12
¿Anashiisüche wamüin tü nümakat Jeʼwaa süchiki tü kasa kojutuinjatkat?
12 Wainma kasa kojutuka namüin na wawalayuu chainjanakana iipünaa jee na yaainjanakana kepiain saaʼu mmakat. Süpüshi tü kasa kojutukat namüin shia nakuwaʼipa nümaa Jeʼwaa (1 Crónicas 28:9; Salmo 36:7). Kojutushaatasü tia wamüin müsüjeseʼe nnojoluin wooʼulaain wakatannüin nuulia Jeʼwaa chi Wamaleiwasekai (2 Crónicas 15:2; Santiago 4:7, 8). Akaataʼaya neʼe tü oʼuraajaakat, choʼujaasü maʼin süpüla nümaain waya. Kojutusü maʼin tia nümüin Daniel müshijeseʼe nnojoluin nuuʼulaain suulia oʼuraajaa jaʼitashi nuʼutünüin aaʼin (Daniel 6:7-11). Nanüiki na chainjanakana chaa iipünaa, müsü aka saaʼin tü aʼajünakat nümüin Jeʼwaa suluʼu tü aʼwaajüleekat (Alateetkat Mapeena 5:8; 8:3, 4; Levítico 16:12, 13). Sükajee tia wayaawata aaʼu kojutuin maʼin tü oʼuraajaakat. ¡Anashaatasü maʼin woʼuraajüle nümüin chi Laülaashikai saaʼu kasa süpüshuaʼa! Müsüjeseʼe choʼujaain maʼin woʼuraajüin süpüla katüin woʼu.
(Daniel 6:16). Sutuma tia, nuluwataaka chi aluwataaikai nüsaajinnüin Daniel otta nujutünaka suluʼu tü ishi kaluʼukat wasashi. Nümaka chi aluwataaikai nümüin Daniel: «Nükaaliinjeechi pia chi Pümaleiwase piʼyataakai amüin waneepia».
(Daniel 6:20). Otta nüntapa eemüin tü ishikat nuʼwaataka nümüin Daniel sümaa mojuin naaʼin. Nümaka chi aluwataaikai nümüin: «Daniel, aʼyataaikai nümüin chi Maleiwa katoʼuchikai, ¿nükaaliinjain pia noulia na wasashikana chi Pümaleiwase piʼyataakai amüin waneepia?».
w03-S 15/9 süp. 15 püt. 2
¿Jamüshii woʼuraajüinjanaka maʼin?
2 ¿Jamüsü nünüiki Jeʼwaa nüchiki Daniel? «Aishi maʼin pia tapüla», müshi nia nümüin nükajee chi aapieekai Gabriel wanaa sümaa nusoutuin shiʼipajee tü nuʼuraajakat achiirua (Daniel 9:20-23, Reina-Valera, 1960). Otta nüküjain Jeʼwaa nükajee Ezequiel lotuin maʼin nukuwaʼipa Daniel (Ezequiel 14:14, 20). Jaʼyasü saaʼu nukuwaʼipa Daniel aleewajiraain maʼin nia nümaa Jeʼwaa sükajee nuʼuraajawalin nümüin, jee tia shia tü nüküjakat Darío (Daniel 6:16).
(Daniel 6:22, 23). Nuluwataain chi Tamaleiwasekai wanee aapiee otta nüsürütka saanükü tü wasashikalüirua, nnojoika jamajüin taya natuma süka nnojoluin kasain taainjalain nümüin Maleiwa; otta nnojotsü kasain taainjalain pümüin aluwataashikalee». 23 Talatajaaka maʼin chi aluwataaikai otta nuluwataaka sünain niyuʼnnüin Daniel suluʼujee tü ishikat. Niyuʼnnaka Daniel suluʼujee tü ishikat, nnojoishi jamajüin nia süka niʼitaain naaʼin nünain chi Nümaleiwasekai.
w10-S 15/2 süp. 18 püt. 15
«Chi naaʼinkai Maleiwa otta tü nümüraajüinkat Cristo ayatüshii müin: ‹¡Jalainna!›».
15 Süchikijee nülatirüin Daniel wanee saʼwai saʼaka wasashi, antüshi chi aluwataaikai nünainmüin sünain maa: «Daniel, aʼyataaikai nümüin chi Maleiwa katoʼuchikai, ¿nükaaliinjain pia noulia na wasashikana chi Pümaleiwase piʼyataakai amüin waneepia?». Nümakalaka Daniel nümüin: «Aluwataashikalee, ayata katüin poʼu süpüla kaʼi süpüshuaʼa. Nuluwataain chi Tamaleiwasekai wanee aapiee otta nüsürütka saanükü tü wasashikalüirua, nnojoika jamajüin taya natuma süka nnojoluin kasain taainjalain nümüin Maleiwa; otta nnojotsü kasain taainjalain pümüin aluwataashikalee». Anasü nukuwaʼipa Daniel nutuma Jeʼwaa süka niʼyataain waneepia nümüin (Dan. 6:19-22, TNM).
Püchajaa süchiki kaaʼürüi suluʼu tü Wiwüliakat
(Daniel 4:10, 11). »›Teʼrakalaka joo taʼlapüinruʼu nuuʼulia wanee wunuʼu miyoʼu maʼin. 11 Emiyoʼulaashi maʼin nüntaleepa sirumatuʼumüin, eʼnnüshi nia wattajee maʼin.
(Daniel 4:20-22). »›Chi wunuʼu miyoʼukai maʼin piʼrakai, chi emiyoʼulaakai maʼin sümaa nüntaleein sirumatuʼumüin, shiʼrüin nia wayuu sainküin tü mmakat, 21 chi wüittakai maʼin sümaa wainmain nüchon, chi shikakai anainjee kasa süpüshuaʼa, wainma mürüt kapiaka nuupünaa otta wainma wüchii saaʼu tü nütüna miyoʼuyuukat, 22 pia kayaawasekai piakai aluwataashikalee, süka miyoʼuin pia sümaa katchin joo pia, püsaʼwatüin tü sirumatuʼukat jee aluwataashi pia sainküin tü mmakat.
w07-S 1/9 süp. 18 püt. 5
Pütchi anaka maʼin sünainjee tü karaloʼutakat Daniel
4:10, 11, 20-22. ¿Kasa kayaawaseka chi wunuʼu miyoʼushaatakai nüʼlapüjaakai amaa Nabucodonosor? Nia kayaawaseka Nabucodonosor chia wunuʼukai süka niain aluwataain saaʼu wanee mma miyoʼu maʼin. Eepejeʼe wanee kasaʼaya kayaawaseka chi wunuʼukai, saaʼujee shiyaawasein nia wanee aluwataaya sainküinka tü mmakat. Saashin Daniel 4:17, tia nüʼlapüinkat Nabucodonosor nünainpünaasü chi «Miyoʼushikai» saaʼu wayuu. Chi wunuʼukai shiyaawaseshi niain aluwataain Jeʼwaa saaʼu kasa süpüshuaʼa jee saaʼu tü Mmakat. Sutuma tia, piamasü sukuwaʼipa süpüla shikeraajüin tü nüʼlapüinkat Nabucodonosor, wanee shiyaawasesü nuluwataaya jee tü wane shiyaawase niain Jeʼwaa aluwataain saaʼu kasa süpüshuaʼa.
(Daniel 5:17). Jee wanaa sümaa tia nümakalaka Daniel nümüin chi aluwataashikai: «Anashi piale kamüin tü püsülajüinjatkat tamüin jee püsülaja shia namüin na waneinnua. Taashajeʼereepejeʼe tü pütchikat pümüin jee taküjeerü pümüin jamaluʼuluin shia.
(Daniel 5:29). Shiasaʼa nuluwataaka Belsasar sünain saʼatünüin nünain Daniel kuluulu jepisiiyaa oʼu otta wanee aüliijanaa aainjuushi süka ooro, eekalaka wanee wayuu emetutkai anüiki sünain nüküjain piamashiin neʼe na aluwataainjanakana nüpüleerua Daniel.
w88-S 1/10 süp. 30 püt. 3-5
Süsakiraka anain wayuu
Shiasaʼa wanaa sümaa nüntinnüin Daniel, chi hebreokai, ayatakaʼaya nüküjain chi aluwataaikai tü naapajatkat nümüin: wanee kuluulu jepisiiyaa oʼu, wanee aüliijanaa aainjuushi süka ooro otta piamashiinjanain neʼe na aluwataainjanakana nüpüleerua Daniel. Nümakalaka Daniel sümaa kojutuin chi aluwataaikai nümüin: «Anashi piale kamüin tü püsülajüinjatkat tamüin jee püsülaja shia namüin na waneinnua. Taashajeʼereepejeʼe tü pütchikat pümüin jee taküjeerü pümüin jamaluʼuluin shia» (Daniel 5:17, TNM).
Nnojotsü choʼujaain nümüin Daniel nawalaajünüin süpüla nüküjain jamaluʼuluin tü pütchikat. Nnojotsü choʼujaain nüsülajüin wanee kasa chi aluwataaikai nümüin Daniel, eesü süpüla naapüin shia sümüin wayuu. Nüküjain Daniel jamaluʼuin tia pütchikat süka niain Jeʼwaa, chi Maleiwa shiimainshikai aküjain nümüin Daniel tü alatajatkat sümüin Babilonia, nnojotsü shiain shiiʼiree saapünüin wanee kasa nümüin.
Saashin Daniel 5:29, nuluwataain chi aluwataaikai sünain saʼatünüin nünain Daniel tü asülajuushikat. Nnojoishi niain Daniel aʼatüin nünain tü kuluutkat sümaa tü nüüliijanakat. Nia aluwataaka Belsasar süpüla saʼatünüin nünain. Müsüjeseʼe pansaain tü sümakat Daniel 5:17, eere nüküjain Daniel nnojoluin yaletüin naaʼin.
dp-S süp. 109 püt. 22
Pienchisü pütchi aʼwanajaaka sukuwaʼipa tü mmakat
22 Ayaawatüna aaʼu jamaluʼuluin tü pütchikat. Shiimain maʼin sajaʼttinnajatüin Babilonia sutuma Medopersia. Mayaapejeʼe mojuin naaʼin Belsasar saaliijee tü naapajakat, nikeraajüin tü nümakat, ayatsia naapüin nümüin Daniel tü kuluulu jepisiiyaakat oʼu sümaa tü aüliijanaa aainjuushikat süka ooro otta piamashiinjanain neʼe na aluwataainjanakana nüpüleerua Daniel (Daniel 5:29). Nnojotsü niyoutuin Daniel tia asülajuushikat süka niyaawatüin saaʼin niain kojutuin Jeʼwaa sünainjee tia. Eesüjaʼa shiale keeʼireein naaʼin Belsasar, nuuʼuleʼerüinjatüin Jeʼwaa tü alatajatkat sümüin Babilonia, müsüjeseʼe naapüin tia nümüin Daniel. Shialejeʼe naaʼinrüin eeʼiree tia, amüla neʼe, mepisat tü alatajatkat sümüin Babilonia.
Wetsiikulo aashajeʼennajatka
(Daniel 4:29-37). Shiasaʼa sajaʼttapa 12 kashi, eejachi chi aluwataashikai waraittüin sooʼopünaa tü miichi nuluwataakalü aluʼujee chaa Babilonia. 30 Müsü nünüiki chi aluwataashikai: «¿Aashin shiain tüü, Babilonia tü Miyoʼusükat, tü takumajakat süpüla kepiain chi aluwataashikai suluʼu, takumajüin shia süka katchin taya süpüla kojutuin taya atumawaa?». 31 Jee yalaiwaʼaya nia sünain aashajawaa, eekalaka wanee pütchi sirumatuʼujee sünain maa: «Anuu pütchi pümüinjatü piakai Nabucodonosor aluwataashikalee: ‹Nnojoluichipa pia aluwataain, 32 ajütünüshi pia naʼakajee na wayuukana, kepieechi pia saʼaka tü wüchii wünaʼapüjatkat. Shieerü pikaka tü alamakat maʼaka naaʼin wanee paaʼa toolo, alateerü akaratshi kaʼi sünain müin pia mayaa, waneʼereʼeya pütüjaapa saaʼu niain Aluwataain saaʼu wayuu chi Miyoʼushikai, jee nüneeküin süpüla aluwatawaa chi nüneekeekai amüin›». 33 Soʼujeʼereʼeya kaʼikat tia, ekeraajüsü tia pütchikat nünain Nabucodonosor, ajünajaanüshi nia naʼakajee na wayuukana saʼakamüin tü wüchii wünaʼapüjatkat, eküshi nia alama maʼaka naaʼin wanee paaʼa toolo otta chüʼlüsü nüta sutuma tü joojotshikat, emiyoʼulaasü tü nuʼwalakat maʼaka saaʼin soi warulapai otta müsia tü nüpatoʼukat müsü aka saaʼin süpatoʼu wüchii. 34 «Sülatapa tü kaʼi eʼitaanakat tapüla tayakai Nabucodonosor, teirakaaka iipünaamüin, jee taaʼinruʼushi taya tachikuaʼa, taʼwaajaka chi Miyoʼushikai saaʼu kasa süpüshuaʼa, Nia taʼwaajaka chi kepiakai süpüla kaʼi süpüshuaʼa, taʼwaajüin nia süka nuluwataain süpüla kaʼi süpüshuaʼa, matüjainsat ajaʼttaa nuluwataaya. 35 Jee müshiʼiya napüshuaʼa na wayuukana sainküin tü mmakat nnojoishii antapünaain naya nünain, shia naainjaka Maleiwa tü kasa anakat saaʼin nümüin süka tü jolotsükalüirua jee naka na wayuukana. Jee nnojoishi eein wanee wayuu eekai ooʼuleʼerüin nia suulia tü naaʼinrakat jee nnojoishi eein eekai süpüla nümüin nümüin: ‹¿Kasakai paaʼinraka?›. 36 »Jee wanaa sümaa tia taaʼinruʼushi taya tachikuaʼa, jee aluwataashi taya tachikuaʼa otta kojutushi taya atumawaa maʼakaapuʼu paala otta müshiʼiya na taneekakana süpüla aluwatawaa jee na laülaashiikana, antayaa müshii tanainmüin, jee teʼitaanaka tachikuaʼa sünain aluwatawaa jee miyoʼushi maʼin taya tachikuaʼa. 37 »Otta müshia tayakai Nabucodonosor, taʼwaajüin chi Aluwataashikai chaa iipünaajee, süka shiimain süpüshuaʼa tü nümakat jee lotusü sukuwaʼipa wanee kasa nutuma otta eʼrüshi japülii nutuma chi wayuu yaletakai aaʼin.»