¿Kasa neʼitaaka na aküjüliikana pütchi suluʼu www.jw.org/guc?

Müshi Jesuu namüin na nikirajüinkana: «jaaʼinr[a] waneepia tü anasükat suʼupala wayuu. Je sükajee neʼrüin tü kasa anasü jaaʼinrakat, nayaawateerü aaʼu nukuaippa Maleiwa je naʼwaajeechin nia» (Mateo 5:16). Sükaaliinjüin waya Internet süpüla waainjüin tia. Aküjünüsü suluʼu jw.org kasain nanoujüin anain na aküjüliikana pütchi jee jamüin sukuwaʼipa naʼyataain nümüin Jeʼwaa. ¿Kasa eʼitaanaka suluʼu?

Tü shikirajakat tü Wiwüliakat. Pütüjaweerü aaʼu tü kasa sütüjaweekalü maʼin aaʼu wayuu. Eesü aipiruasü suluʼu tü karalouktakat ¿Pücheküin pütüjaain saaʼu tü shiimainkat?, alatüsü suulia 400 anüikii sülatinnaka aluʼu. Alatüsü suulia 100 anüikii sülatinnaka aluʼu tü Wiwüliakat Traducción del Nuevo Mundo. Piʼreerü kojuyasü karaloukta ekirajaaya maʼaka saaʼin ¿Kasa shikirajaka maʼin tü Wiwüliakat?, Aapiria Wayuu otta ¡Ee Jaaʼin! jeketka ojuʼitüin. Karalouktakalüirua tia, eesü süpüla saapajünüin jee süleejünüin yalaʼaya suluʼu Internet, südescargajünüin süpüla saapajünüin jee saashajeʼennüin suluʼu PDF jee shiale EPUB. Eesü süpüla piʼinprimiijüin wanee karaloukta süpüla paapüin shia sümüin wanee wayuu atüjaweeka saaʼu tü shiimainkat süchiki Nuluwataaya Maleiwa. Wainma maʼin video sümaajatka pütchi namüinjatü na manüisaliikana. Eesü süpüla südescargajünüin muusika, drama jee audiodrama suluʼujeejatü tü Wiwüliakat.

Tü shiimainkat nachiki na aküjüliikana pütchi. Pünta anainrü video eekai saashajaain süchiki tü naʼyataainkat na aküjüliikana pütchi, tü kasa mojusü alatakat namüin jee tü naainjakat süpüla nakaaliinjüin na nawalayuu alatakana amüin kasa mojusü. Süküjüin joujaleerüin eein wanee outkajawaa miyoʼu jee tü waaʼinrajatkat süpüla wounejüin Weteetmüin.

Ayaawatüna aaʼu nukuwaʼipa Maleiwa sainküin Mmaka süpüshuaʼa sutuma tü neʼitaakat na aküjüliikana pütchi suluʼu Internet; jaʼitairü wattain wayuu suluʼu wanee saʼata Mma maʼaka chayaa Antártida. Oʼuraajüshii maʼin waya süpüla süküjünüin maʼin nünüiki Maleiwa sainküin Mmaka süpüshuaʼa (2 Tesalónica 3:1).

• ¿Jamüsü sütüjaanaka aaʼu tü shiimain suluʼukat tü Wiwüliakat sutuma jw.org?

• ¿Kasa pikirajaweeka anain suluʼujee www.jw.org/guc?