Anasü jw.org süpüla wekirajaain wamüiwaʼa süka jee müsia sümaa wapüshi
Paashajeʼera tü rewiisüta jekennuukat suluʼu jw.org. Kojuya semaana süpülapünaa süntinnüin tü rewiisütakat La Atalaya jee ¡Despertad! eere puutkajaain, yalamaateerü shia suluʼu jw.org. Tü wanee eemaateetkat maalü suluʼu jw.org, shia tü nükürawaajakat chi wawala aashajeʼerakai La Atalaya jee ¡Despertad! (Piʼitaa clic sünain «Karalouktairua/Rewiisüta».)
Pikirajaa sünain tü karaloukta eekat neʼe suluʼu jw.org. Eejeerü waneeirua pütchi suluʼujeetkat neʼe sümüiwaʼa jw.org, maʼaka saaʼin «El rincón del joven», «Mis primeras lecciones de la Biblia», «Actividades para la familia» otta «Los jóvenes preguntan». Pikirajaa sünain pütchikalüirua tia pümüiwaʼa jee eesü süpüla pikirajaain soʼu tü ai puʼwaajakalü oʼu Maleiwa sümaa püpüshi. (Piʼitaa clic sünain «Enseñanzas bíblicas/Niños» jee «Enseñanzas bíblicas/Jóvenes».)
Piʼrajaa sukua tü kasa alatüitpakat. Piʼrajaa jamüin sukuwaʼipa naʼyataain na wawalayuukana jee müsia tü kasa alatüitpakat namüin. Piʼrajaa tü videokat eere jaʼyain maʼin kooʼomüin tü aküjaakat pütchi sainküinpünaa tü mmakat. Aküjüneerü süchiki tü kasa alatakat maʼaka saaʼin eere sukutkujaain tü mmakat jee sülatüin wawai, piʼreerü eere müliain atumawaa naaʼin na wawalayuukana, piʼrapa tia, pansaajeerü pünüiki nümüin Maleiwa sünain jaraliinjanain puchuntüin ooʼopünaa süpüla nükaaliinjüin naya (Sant. 5:16). (Piʼitaa clic sünain «Noticias».)
Biblioteca suluʼu Internet, piʼrajaa shia. Müleka eere suluʼu tü anüikii jütüjakalü apüleerua tü Biblioteca suluʼukat Internet, jaashajeʼera tü texto diario münakat suluʼu tü jüserulaatsekat jee suluʼu jücomputadorse. Otta jüchajaa tü karaloukta jeketkat ojuʼitüin. (Piʼitaa clic sünain «Karalouktairua/Biblioteca suluʼu Internet» jee shiale püshajüin www.wol.jw.org/guc.)
[Epiikürape suluʼu süpanaka 4]
Puuʼulakapan
1 Süchikijee piʼitaain clic sünain tü karaloukta püneekakat, ojuʼiteerü suluʼu PDF. Piʼinprimiija tia karalouktakat süpüla pikirajaain namaa na püchoiinkana.
2 Piʼitaa clic sünain tü süpülajatkat pünajüin video.