Anasü jw.org süpüla waküjüin pütchi süka
Püma namüin na wayuukana nachajaaiwa suluʼu jw.org. Waküjapa pütchi, eeshii na wayuu nnojoliikana aashajaweein wamaa, eeshii joo na wayuu ayouktajakana tü karaloukta waapakat namüin. Naya wayuu makana akuwaʼipa, eeshijaʼa süpüla natüjaweein aaʼu jaraliin na Aküjüliikana Pütchi nüchiki Jeowa suluʼu jw.org chaa nepialuʼu. Püküja namüin na wayuukana nachajaaiwa suluʼu nacomputadorse jw.org süpüla neʼraajüin tü suluʼukat.
Piiʼiyata sükajee jw.org tü natüjaweekat aaʼu na wayuukana. Müleka eere wanee wayuu piʼraajakai jee niale wanee wayuu püküjakai amüin pütchi eʼraajeekai jaraliin na Aküjüliikana Pütchi nüchiki Jeowa, piiʼiyatamaata nümüin suluʼu nücomputadorse jee shiale suluʼupünaa nüserulaatse jaraliin naya. Anaʼleepajaʼa waküjüle nümüin sükajee tü Wiwüliakat sünain tü nüsakitkat anain waya. Müleka nnojorüle Internet nümaʼana suʼunnaa tia, pikiraja nia sünain jamüinjatüin sukuwaʼipa nutuma nüchajaapa suluʼu jw.org süchiki tia nüsakitkat achiirua. (Piʼitaa clic sünain «Enseñanzas bíblicas/Preguntas sobre la Biblia» jee «Sobre nosotros/Preguntas frecuentes».)
Puluwataa wanee karaloukta jee shiale wanee audio nümüin wanee wayuu piʼraajakai. Suluʼu tü correo electrónico münakat, eesü süpüla puluwataain archivo PDF jee EPUB piyuʼlaka suluʼujee jw.org. Eesü süpüla püdescargaajüin suluʼu wanee CD nünüiki wanee wawala aashajeʼerakai wanee karaloukta keeʼireekat paaʼin. Puluʼuwataale süpüshuaʼa wanee karaloukta, wanee rewiisüta jee shiale wanee poyeeto suluʼupünaa computador nümüin wanee wayuu ekirajaakai sünain tü Wiwüliakat, püshaja shia sünain tü karalouktachon piʼyataainmaakat nümüin Maleiwa. Nnojotsü puluwataainjatüin tia sümüin wayuu maʼleekalia, püshajüinjatü pünülia sümüin tü wayuu puluwataakalü amüin shia jee müsia nnojotsü piʼitaainjatüin shia suluʼu wanee páginas de Internet münakat (Piʼitaa clic sünain «Publicaciones».)
Piiʼiyata namüin tü alatakat namüin na wawalayuukana. Piiʼiyatüle namüin na wayuu pikirajüinkana jee na wayuu puwaraijaakana aaʼu, tü alatakat namüin na wawalayuukana suluʼu jw.org, natüjaajeerü aaʼu jalamüinreein süküjünüin pütchi nüchiki Maleiwa. Keeʼireejeerü naaʼin naya wayuukana kottiraweein naya namaa na wawalayuukana (Sal. 133:1). (Piʼitaa clic sünain «Noticias».)
[Epiikürape suluʼu süpanaka 5]
Puuʼulakapan
1 Piʼrapa tü pütchi «Publicaciones» makat, püneeka waneesia karaloukta jee piʼitaa clic sünain tü püdescargaajeekat, shiale shia PDF jee shiale shia MP3.
2 Piʼitaapa clic sünain tü woton «MP3» makat, ajuʼinnajaʼalaa meerü wanee shiyaakua karalouktairua. Piʼitaa clic sünain sünülia tü karaloukta püdescargaajeekat, paapajeere shia, piʼitaa clic sünain tü wotonkat tüü ▸.
3 Müleka püdescargaajeere wanee karaloukta suluʼu wanee sünüikipala wayuu naatajatü, püchajaa shia suluʼu tü eeʼiyatünakat yaa.