Püntamaata sünain wanee karaloukta suluʼu anüikii naata

¿Püntiraaichi amaa wanee wayuu aashajeʼereekai suluʼu nünüikipala tü karaloukta weitajakat, akatsaʼa nnojoluin shia suluʼu tü outkajaaleekat? ¿Pütüjaa aaʼulu eein süpüla piʼinpürimiijüin pütchi suluʼujeejatü tü Wiwüliakat ashajünaka suluʼu 400 anüikii? Shia neʼe choʼujaaka pümüin Internet otta wanee inpüresoora. Müinjatü shia putuma:

• Püchajaa suluʼu Internet, www.watchtower.org/wy.

• Shikialuʼunain tü pantaayakat, eesü soʼutku waneeirua anüikii. Püjüʼtta shiyaakua tü mmakat piʼreere süpüshuaʼa tü anüikii eekat.

• Püjüʼtta tü anüikii püchajaakat. Jaʼyeerü karalouktachein, poyeeto otta waneeirua pütchi eeka süpüla piʼinpürimiijüin. Soto paaʼin suluʼuin tü anüikii püneekakat tü pütchi jaʼyakat, sutuma tia, nnojo shapaain paaʼin nnojorüle piyaawatüin tü pütchi jaʼyakat iipünaa.

• Püjüʼtta eere anain saaʼin pümüin, jaʼyeetka tü pütchi püneekakat. Süpüla piʼinpürimiijüin suluʼujee Internet, püjüʼtta tü süpülajatkat tia.

Tü suluʼukat Internet shia neʼe süpüshi tü karaloukta weitajakat. Keeʼireere paaʼin waneeirua karaloukta püchunta shia nakajee na wawalayuukana suluʼu tü outkajaaleekat. Nütüjaweere sooʼomüin chi wayuukai, püchunta tü karalouktakat namüin na wawalayuu süpüʼüyakana.