EKIRAJAAYA 13

Püküja jamüin anaka tü pütchikat

Proverbios 3:21

PÜTÜJAINJATKA APÜLEERUA: Pükaalinja na aapajakana pünüiki süpüla natüjaain saaʼu tü naaʼinrajatkat süka tü pikirajakalü anain naya.

Jülüja paaʼin na aapajakana pünüiki. Püsakira paaʼin jamüin choʼujaaka naapajüin na wayuukana tü pütchi pikirajüinjatkat otta jülüja paaʼin jaraleerüin tü pütchi jalouijeetkat namüin.
Sümaʼainruʼu pikirajüin, püküja kasain naaʼinrajatüin na aapajüshiikana. «Taya kamüinjachika tü pütchikat», müinjachi wanee wayuu naapajaiwaʼaya pünüiki. Pikirajapa waneʼewai sukua tü pütchi anakat maʼin, püküjaleeinjatia tü naaʼinrajatkat na aapajüshiikana.

Kamanee pia sünain ekirajaa süchiki tü shikirajakalü anain tü Bibliakat. Nnojotsü püküjakuʼu pümüinjatüin tü kasa mojukat natuma na waneinnua, watütüleʼerüinjatü nanoula süpüla naaʼinrajatüin tü ekirajünakalü anain naya otta süpüla alinjachin Jehová napüla.