EKIRAJAAYA 9
Pikiraja sükajee video otta ayaakuaa
Génesis 15:5
PÜTÜJAINJATKA APÜLEERUA: Pikiraja sükajee wanee kasa neʼraka na wayuukana nayaawateetka saaʼu tü pütchi anakat maʼin.
SUKUWAʼIPAINJATKA
Piiʼiyata wanee kasa anaka atuma tü pikirajiakat. Pikirajeepa wanee pütchi kojutuka maʼin, paaʼinra shia süka ayaakuaa, maapa otta piiʼiyata joujatüin sülatüin wanee kasa. Tia makat, nnojotsü süpülajatüin pütchi eekai nnojoluin choʼujaain. Pükaalinja na aapajakana pünüiki süpüla sotuin naaʼin tü pütchi ekirajüneekat maʼin anain otta tü piiʼiyatakat namüin.
Neʼrüinjatü na aapajakana pünüiki tü kasa piiʼiyatakat namüin. Miyoʼuinjatü wanee ayaakuaa eekai piiʼiyatüin süpüla neʼrüinjatüin shia na wayuukana.