Pikiraja maʼin sünain tü ayaakuaakat

Wainma ayaakuaa sünainka tü karaloʼutakalüirua eeka wamaʼana watüjeetka maʼin sünainjee. ¿Kasa waaʼinrajatka süpüla watüjain maʼin sünainjee tü ayaakuaakat?

• Süpülapünaa pikirajaain jülüja maʼin paaʼin tü ayaakuaakalüirua. Eesüjaʼa süpüla ponuin paaʼin tü piʼrakat sünain jee pikirajaweein sutuma. Maʼaka saaʼin wanee eküülü wekeein amüin sutuma weʼrüin jemetüin maʼin shia müsüjeseʼe anain weirakaale sümüin tü ayaakuaakalüirua süpülapünaa wekirajaain (Amós 7: 7, 8).

• Pikirajaapa jülüja paaʼin kasapülajatüin shiʼitaanüin tia ayaakuaakat. Paashajeʼera tü pütchi wünaapünaakat sünain tü ayaakuaakat otta jülüja paaʼin jamüin sünainpünaaka sünülia tü ekirajaayakat sümaa tü ayaakuaakat.

• Kettaapa putuma paashajeʼerüin wanee ekirajaaya piirakaa sümüin tü ayaakuaakalüirua süpüla sotuin paaʼin tü pikirajakalü anain, süchikijee püsürüla poʼu jee jülüja paaʼin tü ayaakuaakalüirua sümaa tü kasa pütüjaka sünainjee.

• Anasü puuʼulaküle süchikuaʼa pünaʼlüin amüin tü ayaakuaa suluʼukat rewiisütakat tüü süpüla sotuin paaʼin tü pikirajaaitpakalü anain.