JAYEECHI 124
Wanaawa waaʼin waneepia nümaa Jeʼwaa
(Salmo 18:25)
1. Joʼu wanaawai waaʼin waneepia
joo nümaa Washi Jeʼwaa.
Shia soteeka waaʼin waneepia
tü Nünüikikat Jeʼwaa.
Jaa müshii waya wapüshuaʼa
joo nümüin sükajee waaʼin.
Saaʼu waneepiain nia wamaʼaya
joʼu waneepiai waaʼin nümaa.
2. Joʼu wanaawai waaʼin namaʼaya
na wawalayuukana.
Jee warütkaa maʼin nanainmüin
saaʼu kapülain waaʼin naya.
Kaalinmaatüshii wapüla
saaʼu wawalayuuin naya.
Aijiraashii maʼin wayaʼaya
otta paaʼinwashii waya.
3. Joʼu wanaawai waaʼin sümaʼaya
joo nupueulose Jeʼwaa;
otta wooʼulaa shiai oʼunirüin
tü wakuwaʼipakat soʼukai.
Shia weʼreetka maʼin naʼanasia
chi Maleiwakai Jeʼwaa.
Jee aneerü maʼin naaʼin watuma
saaʼu wanaawain waaʼin nümaa.
(Paashajeʼera Sal. 149:1; 1 Tim. 2:8; Heb. 13:17).