¿KEPISÜCHE TÜ ASHAPATAWAAKALÜ AAʼIN?
Nnojoleerü ashapataain paaʼin soʼu palitchon kaʼi
Sutuma anain maʼin tü pütchi suluʼukat tü Wiwüliakat, sükaalinjeechi pia süpüla nnojoluin süshapataain maʼin paaʼin. Isasü wachiki wanoutuin süpüshuaʼa tü kasa ashapataakalü atuma waaʼin. Niainjaʼa Maleiwa eekai süpüla anoutuin tia. Niʼitaain Jesukürisüto süpüla nükaalinjain waya. Analeejeerü maʼin tü kasa anasü naaʼinreetkat Jesuu süpüleerua wayuu sainküin mma suulia tü naaʼinrakat soʼu yaajachin nia saaʼu tü Mmakat. Anuu tü naaʼinrajatkat:
AAWALAAJEERÜ NUTUMA WAYUU EEKAI AYUULIN MAʼAKA NAAʼINRAPUʼUIN SHIA
«Antinnüsü nünainmüin wainma wayuu eekai ayuulin sütüma ayuulii eekai eein. [...] Eiyajünüshii napüshua nütüma» (MATEO 4:24).
KEPIEERÜ WAYUU MAʼLEEKALIA NUTUMA JESUU OTTA JOULEERÜ EKÜÜLÜ
«Shiimain nakumajeenain piichi [na nuluwataakana aaʼu Jesuu] süpüla kepiainjanain naya suluʼu; shiimain napünajeenain süpüla neküinjatüin süchon naʼttia. Nnojoleena akumajüin piichi süpüla kepiainjatüin wayuu naatajannuu suluʼu; nnojoleena apünajüin süpüla shiküinjatüin wayuu naatajannuu süchon naʼttia» (ISAÍAS 65:21, 22).
EEJEERÜ JIMATAA AAʼIN NUTUMA JESUU OTTA ANEERÜ SAAʼIN WAYUU
«Soʼu tü nükaliakat, eejeerü lotoo akuwaʼipaa otta jimataa aaʼin waneepia maʼaka eein waneepia chi kashikai, aluwataajeechi nia sünainjee sot tü palaakat sünainmüinreʼeya wane sot tü palaakat jee aluwataajeechi nia sünainjee tü Süchikat sainküinpünaa tü mmakat [...] otta ekeerü mma tü nüʼünüükalüirua nutuma (SALMO 72:7-9).
NAJAʼTTIREERÜ JESUU TÜ KASA NNOJOTKAT LOTUIN AKUWAʼIPA
«Amülialaajeerü naaʼin naalii chi maʼletsekai jee naalii chi mojushikai, nuʼtteʼereena na müliashiikana. Kateechi oʼu nutuma chi eekai müliain atumawaa, kojuteena maʼin nümüin na wayuu müliashiikana» (SALMO 72:13, 14).
NAJAʼTTIREERÜ JESUU TÜ MÜLIAAKAT OTTA TÜ OUTAAKAT
«Müiria nnojolüin ouktaa, mojuu aaʼin, aʼyalajaa, je saalii ayuulii» (ALATEETKAT MAPEENA [APOCALIPSIS] 21:4).