EKIRAJAAYA 38
Kojuta wamüin katüin woʼu
Wainma kasa anasü eeka süpüla talatüin atuma waaʼin. Jaʼitainna eʼrüin waya müliaa, eesü süpüla talatüin waaʼin süka katüin woʼu. ¿Kasa waaʼinrajatka süka kojutuin wamüin katüin woʼu nutuma Jehová? ¿Jamüsü waaʼinrajatka shia?
1. ¿Jamüsü kojutuinjatka wamüin katüin woʼu?
Kojutuinjatü wamüin katüin woʼu nutuma Jehová. Nia kakumajalakai tü kasakat süpüshuaʼa otta nia «chi shikiishikai tü kataakalü oʼuu» (Salmo 36:9). «Nia aapakaʼaya wamüin kataa oʼu, nia aapakaʼaya tü jouktai wasanatkat aka waaʼin otta kasakat süpüshuaʼa» (Aluwataaushikana [Hechos] 17:25, 28). Nia Jehová aapaka wamüin tü choʼujaakat wamüin süpüla ayatüin katüin woʼu jee naaʼinrüin kasa anasü wapüleerua süpüla talatüin waaʼin (paashajeʼera Aluwataaushikana 14:17).
2. ¿Kasa waaʼinrajatka süka kojutuin wamüin katüin woʼu nutuma Jehová?
Jülüjashi pia naaʼin Jehová pukumajaaiwaʼaya süleʼeruʼu püi. Anuu nünüiki David, wanee wayuu aʼyataakai nümüin Maleiwa: «Piʼratüjüiya taya takumajaaiwaʼaya süleʼeruʼujee tei» (Salmo 139:16). Kojutushi maʼin pia nümüin Jehová (paashajeʼera Mateo 10:29-31). Mojusü nümüin Jehová nuʼutunule aaʼin wanee wayuu nutuma waneʼeya. Shialeekajaʼa nuʼutiraale naaʼin wanee wayuu (Éxodo 20:13).a Mojusia nümüin Jehová wachajaale pasiruwaain waya jee neewaale watuma na waneinnua. Kojutule wamüin katüin woʼu nutuma Jehová, waaʼinmajeerü wakuwaʼipa jee nakuwaʼipa na waneinnua.
WEKIRAJAA SOOʼOMÜIN
Wekirajaa süchiki waneirua kasa waaʼinrajatka kojutule wamüin katüin woʼu nutuma Maleiwa.
3. Piisalaja pukuwaʼipa suulia ayuulii
Napüshuaʼa na aʼyataashiikana nümüin Jehová, napansaajüin nanüiki nümüin süpüla naaʼinrüin tü nüchekakat napüleerua. Aapajiraashii nakuwaʼipa nümüin, müsüjeseʼe neisalajüin nakuwaʼipa suulia ayuulin naya. Jaashajeʼera Roma 12:1, 2 otta yooto jia süchiki tüü:
¿Jamüsü paaʼinmajiraainjatka pukuwaʼipa suulia ayuulii?
¿Kasa paaʼinrajatka süpüla paaʼinmajiraain pukuwaʼipa?
4. Piisalaja pukuwaʼipa suulia peewaain jee suulia neewaain putuma na waneinnua
Süküjain tü Bibliakat weisalajüinjatüin wakuwaʼipa suulia weewaain. Jünaja tü VIDEOKOT. Jülüja paaʼin tü anakat süpüla paaʼinrüin suulia peewaain jee neewaain putuma na waneinnua.
Jaashajeʼera Proverbios 22:3 otta yooto jia süchiki tü jaaʼinrüinjatkat suulia jeewaain...
... jipialuʼu.
... jiʼyataaleruʼu.
... jaainjapa ejercicio jee jüshaitajaapa.
... chupeerüle jia jee pasajeerüle jia.
5. Kojuta wamüin na joʼuu süleʼeruʼukana nei
Nüküjain David kojutuin nümüin Jehová na joʼuu süleʼeruʼuyüliikana nei. Jaashajeʼera Salmo 139:13-17 otta yooto jia süchiki tüü:
¿Kojutushiche nümüin Jehová wanee joʼuu jemeitpa nia nuulia chi süleʼeruʼuyüikai nii?
Aluwataanüshii na israelitakana nutuma Jehová süpüla nnojoliinjanain jamajüin natuma na jieyuu ipuotkana otta chi joʼuu süleʼeruʼuyüikai nii. Jaashajeʼera Éxodo 21:22, 23 otta yooto jia süchiki tüü:
Outule wanee joʼuu süleʼeruʼuyüikai nii nutuma wanee wayuu sümaa nnojoluin niʼralain wayumüin shia, ¿jamüsü noʼuluʼu Jehová tia?
¿Jama niʼralale wayumüin shia?b
Nüküjain Jehová kojutuin nümüin na joʼuu süleʼeruʼuyüliikana nei, ¿Jamüsü saaʼin pümüin tia nümakat Jehová?
Eesü wayuu eekai mojuin sümüin tü ojutiraakat joʼuu. Eepejeʼe saaʼinrüle tia süka süpüleeruaanüin saaʼin. Jaashajeʼera Isaías 41:10 otta yooto jia süchiki tüü:
Süpüleeruaanüle saaʼin wanee wayuu süpüla sujutirüinjatüin süchon, ¿jarai chi suchuntajachikai amüin kaalinwaa? ¿Jamüsü anaka suchuntule kaalinwaa?
EESHII WAYUU EEKAI NAMÜIN: «Jaʼitairü taya ojutirüin, takuwaʼipa tia tamüiwaʼa».
¿Jamüsü pütüjaaka saaʼu kojutuin nümüin Jehová wanee wayuu eekai ipuoluin jee chi süchon süleʼeruʼuyüikai?
WATÜJAAITPAKA AAʼU
Süküjain tü Bibliakat kojutuinjatüin wamüin katüin woʼu nutuma Jehová. Müsüjeseʼe waaʼinmajüinjatüin wakuwaʼipa jee nakuwaʼipa na waneinnua suulia jamajüin naya.
Pusouta shiʼipajee
¿Jamüsü watüjaaka saaʼu kojutuin nümüin Jehová katüin woʼu?
¿Jamüsü naaʼin Jehová nuʼutiraale naaʼin wanee wayuu jee nuʼutule naaʼin waneʼeya?
¿Kasa tü kojutukat pümüin sünainjee katüin poʼu nutuma Jehová?
PÜNAʼLA SOOʼOMÜIN
¿Kasa waaʼinrajatka kojutule wamüin katüin woʼu nutuma Jehová?
¿Moteetche naaʼin Maleiwa saainjala wanee wayuu ojutiraka joʼuu paala?
«¿Jamüsü sünüiki tü Bibliakat süchiki ojutiraa joʼuu?» (Pütchi suluʼuka jw.org)
Paashajeʼera süchiki nnojoliinjanain wachajaain pasiruwawaa süka kojutuin nümüin Maleiwa katüin woʼu.
«¿Anasüche washaitajaale wanee kasa weewaajeetka atuma?» (¡Eeja Waaʼin!, oʼutuupüroʼu 8, 2000)
¿Jama nuʼutiraweere naaʼin wanee wayuu? Anuu tü sümakat tü Bibliakat süchiki tia.
a Nükaalinjeein Jehová na wayuu yüülakana aaʼin (Salmo 34:18). Niyaawatüin aaʼu jamüin naaʼin wanee wayuu oʼutiraweekai naaʼin jee nükaalinjeein nia. Anasü paashajeʼerüle tü pütchikat «¿Eesüche süpüla sükaalinjain taya tü Bibliakat jülüjale taaʼin toʼutiraweein taaʼin?» eʼitaanaka sünain tü kanüliakat «Pünaʼla sooʼomüin».
b Moteerü naaʼin Jehová naainjala na wayuu ojutirakana joʼuu paala, nnojotsü mojukuʼu müinjatüin naaʼin waneepia. Paashajeʼera sooʼomüin süchiki tia suluʼu tü pütchikat «¿Jamüsü sünüiki tü Bibliakat süchiki ojutiraa joʼuu?» eʼitaanaka sünain tü kanüliakat «Pünaʼla sooʼomüin».