Süpüshi tü wanüikinjatkat
Suʼttia shikirajia wayuu oʼutuupüroʼu soʼu palajatka saawanoʼu
«Yootushii waya namaa na wayuukana süchiki wanee aluwataaya anainjatka maʼin atuma sukuwaʼipa wayuu. ¿Eejeetche paajüin wanee aluwataaya ajaʼttireetka tü mojulawaakat?». Puuʼulaa nusouktai. Püma nümüin nikirajüin Jesuu na nikirajüinkana sünain achuntaa süntüinjatüin tü Nuluwataayakat Maleiwa. Piiʼiyata nümüin tü pütchi süsapoʼujeekat tü rewiisütakat Aapiria Wayuu ojuʼitaka oʼutuupüroʼu 1. Otta pikiraja nia sünain tü palajatkat asakiraa jee paashajeʼera nümüin waneeshiaakaijeʼe wersiikulo. Paapa tü rewiisütakat otta püküja püleʼejeechin süpüla pikirajüin nia sünain tü wanee asakiraakat.
Aapiria Wayuu Oʼutuupüroʼu 1
«Yootushii waya namaa na wayuukana süchiki tü nikirajakat maʼin anain Jesuu na nikirajüinkana. [Paashajeʼera Mateo 6:9, 10, NM.] ¿Eeiria aküjünüin pümüin süchiki Nuluwataaya Maleiwa? ¿Jamüshiche naashajaaka maʼin Jesuu süchiki? [Puuʼulaa nusouktai.] Rewiisütakat tüü aashajaasü süchiki tü sümakat tü Wiwüliakat süchiki Nuluwataaya Maleiwa otta süchiki tü kasa eeinjatkat sutuma tia aluwataayakat.»
¡Despertad! Oʼutuupüroʼu
«Yootushii waya namaa na wayuukana süchiki pütchikat tüü. [Piiʼiyata nümüin süta tü rewiisütakat.] ¿Washirüinjaiche paajüin wanee wayuu süpüla talatüinjatüin naaʼin? [Puuʼulaa nusouktai.] Süküjüin wamüin tü Wiwüliakat talatüinjanain waya sümaa tü kasa eekat wamaʼana. [Paashajeʼera Lucas 12:15.] Saashin tü Wiwüliakat, nnojotsü choʼujaain nümüin wanee wayuu washirüinjachin nia süpüla talatüinjatüin naaʼin. Rewiisütakat tüü aashajaasü süchiki tia.»