Salmos
114 Jacob familiare oiko vaʼekue Egíptope, upépe oñeñeʼẽ peteĩ idióma idiferénteva.
Upéi Ñandejára oguenohẽ Israélpe upégui,+
2 haʼe ojapo Judágui ilugár sagrádo,
ha ogoverna Israélpe.+
3 Pe mar ohecha Ñandejára podér ha oñemondýi ha odipara upégui.+
Pe Rrío Jordán okyhyje ha oguevi.+
4 Umi montáña opopo umi ovecha máchoicha,+
ha umi sérro opopo ovecha raʼýicha.
5 ¿Mbaʼe piko la omondýiva ha ombodiparáva pe márpe?+
¿Mbaʼére piko ndosyryvéi pe Rrío Jordán?+
6 Peẽ montáña, ¿mbaʼére piko pepopo ovecha máchoicha?
Peẽ serrokuéra, ¿mbaʼére piko pepopo ovecha raʼýicha?
7 Ko yvy kompletoite oryrýi vaʼerã Ñandejára renondépe,
oryrýi vaʼerã Jacob Jára renondépe.+
8 Pórke haʼe hína pe ojapóva itágui peteĩ ykua,
pe ita hatãitévagui onohẽ y osyry hatãva.+