Jeremías
47 Péicha heʼi Jehová proféta Jeremíaspe umi filisteo rehe,+ faraón ojagarra mboyve Gaza. 2 Péicha heʼi Jehová:
“¡Pemaʼẽmína mbaʼéichapa umi y ou nórteguio!
Hatãiterei osyrýta ojagarrapa peve.
Pe y ojagarrapáta pe país ha entéro mbaʼe oĩva pype,
pe siuda ha avei umi oikóva pype.
Umi kuimbaʼekuéra osapukái asýta,
ha enterove oikóva pe paíspe oñelamentáta.
3 Oñehendu umi ikavaju kohúdo osapateapáva oúvo,
avei umi ikárro de gérra ryapu
ha umi irruedakuéra ryapu.
Umi tuakuéra jepe ndojevymoʼãi oipytyvõ hag̃ua itaʼyrakuérape,
pórke ndaikatumoʼãi ojapo hikuái mbaʼeve okyhyjetereígui.*
4 Pórke pe ohunditaha díape enterovete umi filistéope,+
oipeʼáta kompletoite umi hénte hemby vaʼekue ha omoirũva hína Tiro+ ha Sidónpe.+
5 Umi Gazagua oñemoakã perõta ñembyasýgui,*
Asquelónpe oñehundi rupi okirirĩete.+
Peẽ hénte peikovéva gueteri umi ñu guasúpe,
¿arakaʼe peve piko pesegíta peñekytĩmba?+
6 ¡Áina! ¡Jehová espáda!+
¿Arakaʼe piko repytamíta?
Eike jeýna ne váinape.
Epytuʼu ha epyta kirirĩháme.
7 ¿Mbaʼéicha piko opytáta?
Si Jehová voi omandáma chupe
oataka hag̃ua Asquelónpe ha umi lugár oĩva pe mar rembeʼýpe,+
upépe ningo haʼe omondo chupe”.