Jeremías
48 Israel Jára Jehová, umi ehérsito yvagapegua ruvicha, heʼi péicha Moábpe:+
“¡Aichejáranga Nebo,+ pórke oñehundíma!
Quiryataim+ ojejagarráma ha umi oikóva upépe oñemotĩ.
Umi oikóva umi lugár isegúro porãvape* oñemotĩ ha opyta okyhyjeterei.+
2 Noñemombaʼeguasuvéima Moábpe.
Hesbónpe+ umi iñenemigokuéra okalkula mbaʼéichapa ohundíta chupe, heʼívo:
‘Peju ñahundi Moábpe’.
Nde avei Madmén ekirirĩ vaʼerã,
pórke pe espáda ndesegi hína.
3 Oñehendu osapukaipáva Horonáimpe,+
oñehundi ha oiko rupi upépe sarambi guasu.
4 Moab oñehundíma.
Umi mitã mimi oĩva upépe osapukaipa.
5 Haʼekuéra hasẽ joa oarrivávo ohóvo Luhítpe.
Ha ovaheávo Horonáimgui, ohendu hikuái umi hénte osapukaipáva oiko rupi sarambi guasu.+
6 ¡Pekañy ha pedipara pejesalva hag̃ua!*
Oiko vaʼerã pendehegui peteĩ enévro máta pe desiértope.
7 Moab, nde ningo rejerovia umi mbaʼe rejapo vaʼekuére ha umi nde tesorokuérare,
upévare nde avei rejejagarráta.
Ha Kemós+ ohóta prisionéroramo
umi isaserdóte ha iprinsipekuéra reheve.
8 Pe enemígo oporohundíva, oikéta káda siudápe,
ha ni peteĩ siuda ndojesalvamoʼãi chugui.+
9 Pemoĩ peteĩ señál ohechaukáva Moábpe mbaʼe tapérupipa oho vaʼerã,
pórke ág̃a isiudakuéra oñehundi vove, umi oikóva upépe odiparapáta,
ha umi hénte ohecha vove umi mbaʼe oikóva hesekuéra, okyhyjetereíta opytávo,
ha avavéma ndoikomoʼãvéi upépe.+
10 ¡Toñemaldesi upe ojapo vai vaínteva Jehová omanda vaʼekue!
¡Toñemaldesi upe ndoipurúiva ijespáda oporojuka hag̃ua!*
11 Umi moabita imitã guive oiko trankílo porã,
haʼete umi víno ojeheja vaʼekue oguapy hag̃ua.
Núnka noñekambiáiva ótro mbaʼyrúpe,
ha núnka ndojegueraháiva chupekuéra prisionéroramo hetãgui.
Upévare ndahaʼéi ku hevéva mbaʼe,
ha hyakuã nokambiái.
12 Jehová heʼi: ‘Og̃uahẽta hína umi día, che amondotaha umi kuimbaʼe oñohẽ hag̃ua chupekuéra pe mbaʼyrúgui. Haʼekuéra oñohẽta chupekuéra ha omonandíta imbaʼyrukuéra, ha ojokapaitéta umi mbaʼyru guasu. 13 Umi moabita otĩta Kemós reheve, Israel rogaygua otĩháicha Betel reheve, upe haʼe vaʼekuére ijeroviaha.+
14 ¿Mbaʼéicha piko peẽ peñanima peje: “Ore ningo soldádo ipoderósova, roiméva preparádo roñorairõ hag̃ua”?’.+
péicha heʼi pe Rréi hérava Jehová, umi ehérsito yvagapegua ruvicha.+
16 Ag̃aitéma oúta sarambi guasu umi moabita ári,
ha ag̃aiténtema hoʼáta.+
17 Enterove umi oĩva ijerére ha umi oikuaáva héra,
ombyasýta chupekuéra.
Peje chupekuéra: ‘¡Mbaʼeichaitépa opẽ pe vastón ipoderosoitéva, pe vastón iporãitéva!’.
18 Anivéma peñemombaʼeguasu,
peguapy uhéi reheve* peẽ peikóva Dibónpe,+
pórke pe enemígo ohundíva Moábpe ou hína pene kóntrape,
ha ohundíta umi lugár isegúro porãva peguerekóva.+
19 Peẽ peikóva Aroérpe+ peñemboʼy ha pemaña porã umi mbaʼe oikóvare pe tapépe.
Peporandu pe kuimbaʼe odiparávape ohóvo ha pe kuña okañývape ohóvo: ‘¿Mbaʼe piko la oikóva?’.
20 Moab opyta oñemotĩ ha tuichaiterei oñemondýi.
Peñelamenta ha pejaheʼo katu.
Peikuaauka pe lugár héravape Arnón+ oñehundi hague Moab.
21 Ñandejára ohusga pe yvy iplanoha,*+ haʼe ohusga Holón, Jáhaz+ ha Mefaátpe,+ 22 Dibón,+ Nebo+ ha Bet-Diblatáimpe, 23 Quiryataim,+ Bet-Gamul ha Bet-Meónpe,+ 24 Queriyot+ ha Bozrápe, ha ohusga avei Moab siudakuéra kompletoite, umi oĩvape ag̃ui ha umi oĩvape mombyry.
25 Jehová heʼi: ‘Moab podér* opáma,
ha ojepeʼáma chugui imbaretekue’.
26 ‘Pemongaʼu chupe,+ pórke haʼe oñembotuicha Jehová kóntrape.+
Moab ojapajeréi ovomita haguépe,
ha umi hénte oñembohorypa hese.
27 ¿Nde piko yma nereñembohorýi raʼe Israel rehe?+
¿Ojetopa mbaʼe piko raʼe chupe mondaha apytépe,
ajeve reñakãmbovava reñembohorývo hese ha reñeʼẽ ikóntrape?
28 Peẽ peikóva Moábpe, peheja umi siuda ha tapeho peiko umi ita guasu paʼũre,
ha tapejogua umi palóma ojaitypóvape umi sérro varránkare’”.
29 “Rohendu ningo mbaʼeichaitépa Moab oñemombaʼeguasu, haʼe ijejapoiterei,
rohendu mbaʼeichaitépa oñembotuicha, itĩpuʼã, ijejapo ha ijorgullóso ikorasõme”.+
30 “Jehová heʼi: ‘Che aikuaa haʼe ipochyetereiha voi,
péro haʼe oñeʼẽmba rei ha umi mbaʼe heʼíva opa reíta.
Ndojapomoʼãi hikuái mbaʼeve.
31 Upévare añelamentáta Moab rehe,
Moab kompletoitére ajaheʼóta,
ha cherasẽta umi kuimbaʼe Quir-Heresgua rehe.+
32 Hetave cherasẽta cherasẽrõ guarégui Jazer rehe.+
Sibmá+ parralty, nderehe cherasẽta.
Umi hakã iporãitéva ningo ohasa pe mar.
Ohupyty pe mar, Jazer peve.
Pe enemígo oporohundíva ou oataka hag̃ua
umi nde frúta veranopegua ha umi parrál remonoʼõva.+
33 Moab territóriogui ha pe yvy porãgui
opa pe vyʼa ha tory.+
Ndahejavéima osyry víno pe lugár ojejapohágui víno.
Avave ndosapukaimoʼãvéima vyʼágui opyrũ jave umi parrál rehe.
Osapukáita hikuái péro idiferéntetama pe osapukái lája’”.+
34 “‘Oñehendu ojaheʼóva Hesbón+ guive Elealé+ peve.
Opytáta hypa umi y osyrýva Nimrímpe’.+
35 Jehová heʼi: ‘Ndahejamoʼãvéima oĩ Moábpe
peteĩ oguerúva iñofrénda pe lugár yvatépe,
ha pe ojapóva sakrifísio idióspe.
36 Upévare che korasõ ojaheʼóta* Moab rehe peteĩ fláutaicha,*+
che korasõ ojaheʼóta* peteĩ fláutaicha* umi kuimbaʼe Quir-Heresgua rehe.
Pórke oñehundipáta pe rrikésa ombyaty vaʼekue.
37 Pórke enterove oñemoakã perõ,+
ha enterove oipeʼa ivárva.
38 “‘Kompletoite Moab techokuéra ári,
ha kompletoite umi plásape,
ojaheʼóvamante oĩ.
Pórke amonguʼi Moábpe,
oñemonguʼiháicha peteĩ mbaʼyru ndovaléiva mbaʼeverã’, heʼi Jehová.
39 ‘¡Mbaʼeichaitépa peñemondýi ha pejaheʼo peẽ Moabgua!
¡Mbaʼeichaitépa Moab oñemotĩ ha ohopa hese!
Umi hénte oñembohorýta Moab rehe,
ha haʼe omongyhyjetereíta enterove umi oikóvape ijerére’”.
40 “Pórke péicha heʼi Jehová:
‘Peteĩ ágila ojepoiháicha ojagarra hag̃ua hembiʼurã,+
péicha avei iñenemígo oipysóta ipepo Moab ári ojagarra hag̃ua chupe.+
41 Umi puévlo ojejagarráta,
ha umi lugár isegúro porãva orekóva, ojejagarrapáta avei.
Upe díape umi gerréro Moabpegua okyhyjetereíta,
ojoguáta umi kuña imembývape hína’”.
42 “‘Ha Moábpe oñehundietéta ha ndahaʼemoʼãvéima peteĩ nasión,+
pórke Jehová kóntrape la oñemombaʼeguasu hikuái.+
43 Kyhyje, yvykua ha ñuhã oñemoĩ pene renonderãme,
peẽ peikóva Moábpe’, heʼi Jehová.
44 ‘Oimeraẽ odiparáva oñemondýigui, ohóta hoʼa yvykuápe,
ha oimeraẽ osẽva pe yvykuágui, hoʼáta peteĩ ñuhãme’.
Jehová heʼi: ‘Pórke akastigáta Moábpe pe áño aiporavo vaʼekuépe’.
45 ‘Umi okañýva opytáta ikangypa Hesbón sómbrape.
Tata osẽta Hesbóngui,
ha peteĩ tatarendy osẽta Sehón mbytégui,+
ha ohapypaitéta Moab syva
ha umi gerréro ivioléntova akã’.+
46 ‘¡Aichejáranga Moab!
Oñehundipaitéma Kemós+ puévlo.
Pórke pende raʼykuéra ojegueraha prisionéroramo,
ha pende rajykuéra ojegueraha ótro paíspe.+
47 Péro umi ára pahápe, ambyaty jeýta umi prisionéro ojegueraha vaʼekuépe Moábgui’, heʼi Jehová.
‘Koʼápe opa pe mensáhe heʼíva ojehusgataha Moábpe’”.+