Pe Dilúvio guive oñesẽ meve Egíptogui

Ocho tapichápente ojesalva pe Dilúviogui, péro tiémpo rire hetaiterei hikuái. Ha upéi, 352 áño pe Dilúvio opa rire, onase Abrahán. Ñaaprende mbaʼéichapa Ñandejára okumpli ipromésa omeʼẽvo Abrahánpe peteĩ taʼýra hérava Isaac. Upéi, umi mokõi Isaac raʼykuéragui, Ñandejára oiporavo Jacóbpe.

Jacob ifamília reta vaʼekue. Oguereko 12 kuimbaʼe ha oguereko avei kuñáva. Umi 10 Jacob raʼykuéra ndaijaʼéi Josére, pe iñermáno imitãvéva, ha ovende chupe hikuái esklavorã Egíptope. Upe rire, Joségui oiko peteĩ mburuvicha guasu Egíptope. Oúrõ guare peteĩ ñembyahýi vai, José oprova iñermanokuérape ohecha hag̃ua ndoguerekovéimapa pe aktitu oguerekovaʼekue hikuái. Ipahápe Jacob ha enterove ifamília, umi isrraelíta, ova Egíptope. Upéva oiko 290 áño onase rire Abrahán.

Upéi, 215 áño aja, umi isrraelíta oiko Egíptope. José omano rire, oiko chuguikuéra esklávo upépe. Tiémpo ohasa rire onase Moisés, ha Ñandejára oiporu chupe oguenohẽ hag̃ua Egíptogui umi isrraelítape. Upévare, ko Párte DOS omombeʼu pe oikovaʼekue 857 áñope.