Ndépa mbaʼe rejapovaʼerã?
50 Ndépa reikose opavave ára upe angapyhy renda porãme?
Upéicha ramo reñemoaranduvé vaʼerã Ñandejára heʼivarehe. Eñehaʼã emoñeʼẽkuaa Ñandejára Ñeʼẽ. —Juan 17:3; Revelación 1:3
51 Eñemoaranduve Jesús rehe. —Deuteronomio 18:18, 19; Juan 3:16; Hechos 3:19-23
52 Eñehaʼã ejapo umi mbaʼe porãnte, ha neñeʼẽrendú Jehová-pe. —Romanos 6:17, 18, 22
53 Nemanduʼáke, Jehová heʼi ndajajukáivaʼerãha yvypórape. —Éxodo 20:13; 1 Juan 3:11, 12
54 Ndajaipeʼáivaʼerã avavégui pe imbaʼekuérava. —Éxodo 20:15; Efesios 4:28
55 Avave kuimbaʼe ndoikóivaʼerã peteĩ kuña ndive ha noñenóivaʼerã hendive ndahaʼeirõ hembireko. —Éxodo 20:14, 17; 1 Tesalonicenses 4:3
56 Nemanduʼápa mbovy tembireko heʼi Ñandejára ikatuha peteĩ karai oguereko. Arakaʼé pevépa peteĩ ména opytavaʼerã hembirekondive? —Génesis 2:22, 24; Mateo 19:5, 6; 1 Corintios 7:2, 10, 11
57 Nemanduʼáke avei Jehová-pe añónte ñañesupehê vaʼerãha. —Mateo 4:10; 1 Corintios 8:6
58 Taʼangakuéra ndaikatúi ñanepytyvõ. Mbaʼérepa? —1 Corintios 8:4 Iporãpa jaguereko umi taʼangakuéra? —Deuteronomio 27:15; 1 Juan 5:21
59 Mbaʼérepa ivai jaipuru kavureʼi rague umía ha kurundu? —Deuteronomio 18:10-13; Revelación 21:8
60 Umi temimondo aña yvagapegua, terã demonios, opuʼãvaʼekue Ñandejárare. Oipurú imbaʼekuaávape ombotavy hag̃ua tekovekuérape. —Hechos 16:16
61 Tekotevẽ ñañemboʼe Ñandejárape. Ñemboʼe heʼise nañeʼẽ Ñandejárape, jaʼe chupe jaikoseha hembiguái ramo, ha jajerure chupe tañanepytyvõ —Filipenses 4:6, 7
62 Tekotevẽ ñaneñeʼẽrendu Jesús-pe ha jajerovia hese. —Hebreos 5:9; Juan 3:16
63 Nemanduʼáke haʼe omano hague ñande pysyrõ hag̃ua. —Romanos 5:8
64 Nemanduʼáke Jesús haʼeha ñande Mburuvicha Guasu ikatuʼỹva jahecha. Ñane ñeʼrendú vaʼerã chupe. —Filipenses 2:9-11;Revelación 19:16
65 Jesús heʼíkuri, nde reñeʼẽ vaʼerãha ambuekuérape koʼã mbaʼe porã nde reikuaáva, ha umi oikoséva Ñandejára rembiguái ramo oñemongaraí vaʼerã. —Mateo 28:19, 20; Juan 4:7-15
66 Upévare nde ikatu reñeʼẽ umi ne angirũkuérape koʼã mbaʼe porã rehe. —Mateo 10:32
67 Nde remoñeʼẽ porãkuaa ramo haipyre, reikuaáta hetave mbaʼe, ha ikatúta reipytyvõ porãve ambuekuérape. —2 Timoteo 2:15
68 Jesús avei omboʼe mitãnguérape, iñeʼẽrendu hag̃ua Ñandejárape. Máramo nahembiapoitereíri oñeʼẽ hag̃ua chupekuéra. —Mateo 19:13-15
69 Tuvakuéra omboʼememé vaʼerã iñemoñarépe. Iñeʼêrendú ha ohayhu hag̃ua Ñandejárape. —Deuteronomio 6:6, 7; Proverbios 6:20-22; Efesios 6:4
70 Oĩ heta tupao opáichagua. Heta imboʼepykuéra ndahaʼéi Ñandejára ñeʼẽgui osẽva. Jehová heʼi ñandéve jaheja hag̃ua umi tupao omboʼe ŷva añetegua. —Revelación 18:4; Juan 4:23, 24
71 Jehová oguereko ko yvy apeʼári tekovekuéra ikatúva nemboʼeve ichugui. Ndépa reikuáa mávapa umíva? —Hechos 15:14; Romanos 10:14, 15
72 Umíva haʼe Testigos de Jehová. Haʼekuéra oguereko pyʼaguapy ojoapytepekuéra. Ndépa reikuaa mbaʼére? Ojohayhúgui oñondivekuéra. —Isaías 43:10-12; Juan 13:34, 35
73 Ohayhu rupi avei Jehová-pe oñemongarai hikuái. Upéicha ohechauka maymáva rovake oheja hague pe heko vaikue ha ohasaseha hekove Ñandejára rembiguái ramo. —Hechos 2:41
74 Testigos de Jehová-kuéra ohaʼarõ oikove upe angapyhyrenda pyahu porãme. —Salmo 37:9 -11, 29
Mbaʼépa nde ikatu rejapo reiko hag̃ua hendivekuéra upépe? —Santiago 1:22, 25; 2:20-26
75 Hendivekuéra reñehaʼãvaʼerã reiko Jehová rembiguái ramo. Haʼekuéra ohayhu ha iñeʼẽrendu Jehová-pe ha Jesucristo-pe. Rehayhúpa nde chupekuéra avei?. Reipytyvõsépa nde rapichakuérape oikuaa hag̃ua Ñandejárape? — Juan 6:45-47
76 Jehová ha Cristo Jesús nderayhu ha oipota hikuái reikove opavave ára pe angapyhy rendápe. — Juan 3:16
Koʼã mbaʼe reñemoarandú vaʼekue, reipyguara riré ã taʼãngakuéra ha marandu oĩva ko kuatiañeʼẽme oĩméne katuete omeʼẽ ndéve potapy eñangapyhy hag̃ua nde rekove ko yvy apeʼári opavave ára. Nde reikuaasevérõ koʼã mbaʼégui iporã vaʼerã reñeʼẽ peteĩ Testigo de Jehová nde táva peguandive. Ikatu avei rehai, terã rehaika, ko apoha rendápe hiʼaguĩvéva nde rógagui, ojehechaukaháicha tysyikue sambyhyreko rehegua oĩva kuatia rogue mokõi ko haipyrépe.