¿Mávapa hína pe Dios verdadéro?

Oĩ ningo peteĩ Dios verdadéro añoite, ha héra Jehová (Salmo 83:18). Haʼe oiko yvágape ha ndaikatúi jahecha chupe. Haʼe ñanderayhu ha oipota ñande avei jahayhu chupe ha ñande rapichakuérape (Mateo 22:35-40). Haʼe hína Ñandejára Todopoderóso ha okrea vaʼekue entéro mbaʼe.

Ñepyrũrã Ñandejára okrea vaʼekue peteĩ ánhel ipoderosoitereívape, upéva hína Jesús. Upe rire Jehová okrea avei hetave ánhelpe.

Jehová okrea opa mbaʼe oĩva yvágape . . . ha ko yvy ape ári. Apocalipsis 4:11

Jehová okrea vaʼekue umi estrélla, ko yvy ha opa mbaʼe oĩva pype (Génesis 1:1).

Haʼe ojapo vaʼekue yvýgui Adánpe, pe primer kuimbaʼe (Génesis 2:7).