Mbaʼe rehepa oñeñeʼẽta seksión 10-pe
Jehová ningo haʼe pe Rréi Todopoderóso. Haʼe ymaite guive oprotehe isiervokuérape ha osegíta ojapo upéva pára siémpre. Por ehémplo, haʼe osalva vaʼekue Jeremíaspe omano mbotaitérõ guare peteĩ pósope. Orreskata vaʼekue avei Sadrac, Mesac ha Abednégope ojepoírõ guare chupekuéra peteĩ tatakua akúpe, ha Daniélpe osalva pono hoʼu chupe umi león. Jehová oprotehe vaʼekue avei Estérpe ikatu hag̃uáicha haʼe osalva isiervokuérape. Haʼe ndohejamoʼãi jasufri pára siémpre. Pe profesía oñeʼẽva pe estátua ha pe yvyramáta guasuetére ohechauka Ñandejára Rréino koʼẽrõitéma oipeʼataha enteroite mbaʼe vai ojejapóva ko yvy ape ári, ha ogovernataha ko múndo tuichakuére.