Haʼe omombarete iñermanokuérape

JESÚS otopa riremi Simón rehe, heʼi chupe: “‘Nde hína Simón, Juan raʼy. Koʼág̃a nderérata Cefas’ (heʼiséva “Pedro”)”. “Cefas” ha “Pedro” heʼise “ita pedáso”. ¿Mbaʼérepa Jesús ombohéra péicha Simónpe? Umi ita ningo ojepuru jepi ojejapo hag̃ua umi óga imbarete porãva, ikatútava are oaguanta. Upéicha avei, Jesús oiméne ontendekase raʼe Pedro ikatutaha oipytyvõ umi kongregasiónpe imbarete hag̃ua.

¿Oikópa rakaʼe Pédrogui pe kuimbaʼe Jesús oprofetisa vaʼekue? Jahecha haguéicha kapítulo 45-pe, heta vése ijetuʼu vaʼekue chupe ojogua hag̃ua peteĩ itápe. ¿Mbaʼérepa? Pórke sapyʼánte haʼe ipyʼaguasu vaʼekue, haʼete voi ndaiporimoʼãiva mbaʼeve omboryrýiva chupe. Péro upéi oduda ha okyhyje rupi tuichaiterei ojavy, sapyʼánte reimoʼãʼỹve jave. Upéicharõ jepe, Jesús nomboykéi Pédrope. Haʼe oikuaa vaʼekue kon el tiémpo Pedro ikatutaha ipyʼaguasu oimehaichagua situasiónpe. ¿Ojasertápa raʼe Jesús?

Jesús orresusita rire, omanda vaʼekue ijapostolkuérape opredika hag̃ua umi notísia porã. Pedro pyʼaguasúpe ojapo vaʼekue upéva ha ikyreʼỹ voi. Por ehémplo, ojejapórõ guare peteĩ fiésta Jerusalénpe, Pedro oñemboʼy umi judioita renondépe ha heʼi porã chupekuéra ikausarekuéra ojejuka hague pe Mesíaspe. Hetaiterei judío ohendúva upéva “oñembyasy ha oñeñandu vaieterei”, upévare oñarrepenti. Upérõ guare 3.000 persónarupi ojevautisa oiko hag̃ua chuguikuéra Jesús disípulo.

Pedro iguapoiterei vaʼekue predikasiónpe. Upéva haʼe vaʼekue la iñimportantevéva chupe g̃uarã. Jesús ningo omeʼẽ vaʼekue Pédrope “umi lláve ojeike hag̃ua pe Rréino yvagapeguápe”. Upéva heʼise Pedro oreko hague peteĩ rresponsavilida iñimportantetereíva. Haʼe oipytyvõ vaʼerã kuri umi judíope, umi samaritánope ha umi ndahaʼéivape judío oreko hag̃ua esperánsa ohóvo yvágape. Upévare haʼe pyʼaguasúpe opredika vaʼekue koʼã 3 grúpope ha nomboykéi avavetépe. Pedro oviahámi vaʼekue ápe ha pépe, sapyʼánte hembirekóndi, ikatu hag̃uáicha opredika ha omombarete ermanokuérape. Ha ndahaʼéi voi oviahánteva, haʼe ova vaʼekue voi Babilóniape opredika hag̃ua.

Pedro hetaiterei áñore opredika vaʼekue pyʼaguasúpe. Péro upéicha avei heta áñore oaguanta umi oñemoĩvape hese. Chupe ha umi ótro apóstolpe heta vése ojegueraha vaʼekue kárselpe. Ha umi judío omanda guasúva oproivi vaʼekue voi chuguikuéra osẽ opredika. Péro Pedro heʼi chupekuéra: “Ore ningo oreñeʼẽrendu vaʼerã Ñandejárape ore governánteramo, yvypórape rangue”. Heʼipa rire koʼã mbaʼe, umi judío omanda oñembyepoti hag̃ua chupekuéra ha upéi opoi chuguikuéra. Upéicharõ jepe, haʼekuéra osegi oñeʼẽ umi héntepe Ñandejára Rréinore ha omombeʼu chupekuéra Jehová oelehíma hague Jesúspe rreirã.

Umi opersegíva umi kristianokuérape amás día iñañave. Estébanpe ojejuka voi, jahecha haguéicha pe kapítulo ohasa vaʼekuépe. Ha 10 áñorupi upe rire, Herodes omanda ojejuka hag̃ua apóstol Santiágope, haʼéva Pedro amigoite. Herodes ohechakuaa upéva ogustaiterei hague umi judíope, upémarõ omanda ojejagarra hag̃ua avei Pédrope. Upéi ojejagarra Pédrope, ojepokua chupe ha oñemoinge peteĩ kárselpe. Ha upéva ári jey, unos kuánto soldádo opyta oñatende hese ani hag̃ua okañy. Jesús ningo heʼi vaʼekue Pédrope mbaʼépa oikóta hese haʼe omano mboyvemi. Haʼe ontendeka Pédrope oñeñapytĩtaha chupe, oñemoingetaha kárselpe ha upéi ojejukataha. ¿Opensápa raʼe Pedro upéva oñekumplitaha koʼág̃a?

Upe pyharépe peteĩ ánhel ou oguenohẽ hag̃ua Pédrope kárselgui. Haʼe omombáy Pédrope, oipeʼa ipógui umi kadéna, ha oguenohẽ chupe iséldagui. Upéi haʼekuéra ohasa ohóvo umi guárdia mbytérupi, oavri peteĩ okẽ guasu ha osẽ pe kállepe. ¿Mbaʼépa ojapo Pedro upéi? ¿Osẽpa oho mombyry porã Jerusaléngui ha ohejapa reíntema ermanokuérape? ¡Ni mbaʼevéicharõ! Haʼe direktoite oho pe lugár oñembyatyhápe ermanokuéra oñemboʼe hag̃ua hese. Mbaʼeichaitépa oiméne umi ermáno ikyreʼỹ ha imbarete raʼe ohechávo Pedro osẽha pe kárselgui ha ou hendapekuéra.

Jesús ningo heʼi vaʼekue Pédrope: “Emongaru umi che ovecha mimi”, “emombarete ne ermanokuérape” (Luc. 22:32; Juan 21:17). Ha upeichaite Pedro ojapo vaʼekue. Haʼe opredikámi pyʼaguasúpe ha omombarete Ñandejára puévlope oho ohohápe. Péro jaikuaaháicha, haʼe iñimperfékto vaʼekue ha ojavýnte avei. Peteĩ vuéltape haʼe ndokaruséi vaʼekue umi ndahaʼéivandi judío pórke oipyʼapy chupe mbaʼépa ojeʼéta hese. Upéva oĩ vai vaʼekue, upévare peteĩ apóstol okorrehi mbarete chupe. Péro iñumílde rupi, Pedro orrekonose ojavy hague ha oasepta pe konsého. Oikóramo jepe koʼã mbaʼe, haʼe osegi vaʼekue omombarete iñermanokuérape. Por ehémplo, oskrivi vaʼekue mokõi kárta koʼág̃a ñande jaguerekóva la Bíbliape. Oiko rire heta áñore iñermanokuérare, ojegueraha jey chupe kárselpe, péro koʼág̃a omano hag̃uáma. Upéicharõ jepe, haʼe osegi vaʼekue ojerovia mbarete ha ipyʼaguasu. Omano meve, Pedro ojapo vaʼekue ikatúva guive omombarete hag̃ua pe kongregasión. Péicha oñekumpli la Jesús heʼi vaʼekue hese.

¿Moõpa oñeñeʼẽ hese la Bíbliape?

• Mateo 16:​18, 19

• Juan 1:​40-42; 21:​14-19

• Hechos 2:​14-43; 5:​17-42; 8:​14-17, 25; 10:​44-48; 12:​1-17

• Gálatas 2:​11-14

• 1 Pedro 5:13

• 2 Pedro 1:​12-15

¿Mbaʼépa ere chupe?

¿Mbaʼérepa jaʼekuaa Pedro ipyʼaguasu hague?

Einvestigamína

1. 1. Jesús omeʼẽ vaʼekue Pédrope “umi lláve ojeike hag̃ua pe Rréino yvagapeguápe”. ¿Mbaʼéichapa Pedro oipuru raʼe koʼã lláve? (Mat. 16:​18, 19; bt 62, rrekuádro). A

   Rrespuésta

   

2. 2. ¿Mbaʼérepa jaʼekuaa Pedro ohayhúma hague opaichagua persónape ovisita mboyve jepe Cornéliope? (Hech. 10:​5-7, 23; bt 77 párr. 1, nóta). B

   Rrespuésta

   

3. 3. ¿Mbaʼérepa jaʼekuaa Pedro oasepta hague pe konsého omeʼẽva chupe Pablo? (w17.04 26, 27 párr. 15-17).

   Rrespuésta

4. 4. ¿Mbaʼérepa Pedro ova vaʼekue Babilóniape? (w14 15/1 24 párr. 9).

   Rrespuésta

Ejepyʼamongetamína ndejehe

• Pedro oĩrõ guare Jerusalénpe oñeʼẽ vaʼekue pyʼaguasúpe péro ohechauka avei opororrespetaha. ¿Mbaʼéicha javépa ñande avei tekotevẽta ñandepyʼaguasu ha ñanderrespetuóso?

  Rrespuésta

• Pedro haʼe vaʼekue peteĩ apóstol orekóva heta rresponsavilida kongregasiónpe. Upéicharõ jepe, oasepta Pablo okorrehírõ guare chupe. ¿Mbaʼéichapa ikatu jajogua Pédrope? C

  Rrespuésta

  

• ¿Mbaʼéicha javépa ikatu avei rehechauka ndepyʼaguasuha Pedro ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼérepa reagradese Jehovápe oiporavo haguére Pédrope ogoverna hag̃ua Jesúsndi yvágape?

  Rrespuésta

Reikuaave hag̃ua

¿Mbaʼéichapa Pedro ehémplo ohechauka iporãha jajerovia Jehováre jakyhyje jave?

Ñaaprende chuguikuéra: Pedro (6:48).

¿Mbaʼe mbaʼépa ikatu reaprendeve Hechos kapítulo 10-gui?

Ñandejára otrata enterovépe peteĩchante (Artíkulo oĩva jw-pe-wcgr).