ÑAHESAʼỸIJO HAG̃UA

MBAʼÉPA ÑAHESAʼỸIJÓTA

▪ Aníke rekyhyje, Jehová oĩ nendive

Heta Ñandejára rembiguái yma guare ohechauka ojerovia ha ipyʼaguasuha. Ñahesaʼỹijóramo iñehemplokuéra, ñanepytyvõta jajerovia ha jaservi hag̃ua Jehovápe pyʼaguasúpe. Avei ko artíkulope oñeñeʼẽ pe téxto áño 2013-pe g̃uarã rehe.

▪ Aníke mbaʼeve ñanemomombyry Jehovágui

▪ Akóinteke ñañemoag̃ui Jehováre

Oĩ ningo heta mbaʼe ndaikatúiva jaiporavo, pór ehémplo mávatapa ñande tuvakuéra, ñane ermanokuéra térã pe lugár ñanaseha. Péro ikatu jadesidi ñañemoag̃uítapa Ñandejárare térãpa nahániri. Koʼã artíkulope ñahesaʼỹijóta siete mbaʼe ñanepytyvõtava ani hag̃ua ñañemomombyry Jehovágui.

▪ Jaservi Jehovápe jajekulpaʼỹre mbaʼevére

Sapyʼánte ikatu ñapensa iporãvéne hague jajapo rire heta mbaʼe ambue hendáicha. Péro jaikóramo jajekulpa, ndaikatumoʼãi jaservi porã Jehovápe ni ndajajapomoʼãi mbaʼeve ideprovéchova. Ko artíkulope ñahesaʼỹijóta apóstol Pablo ehémplo, ha jahecháta mbaʼépa oipytyvõ chupe oservi hag̃ua Jehovápe ostorvaʼỹre chupe umi mbaʼe vai ojapovaʼekue.

▪ Ansianokuéra ‘ombaʼapo ñande ykére javyʼa hag̃ua’

Pe segunda kárta Pablo ohaivaʼekue umi Corintoyguápe, omyesakã porã haʼe ha iñirũnguéra oĩ meméva ijykére ‘ombaʼapoha iñermanokuéra ovyʼa hag̃ua’ (2 Cor. 1:24, NM). ¿Mbaʼépa umi ansiáno ikatu oaprende Pablo heʼivaʼekuégui? ¿Mbaʼépa enterove ikatu jajapo ermanokuéra ovyʼave hag̃ua? Ko artíkulo ombohováita koʼã porandu.