ÑAHESAʼỸIJO HAG̃UA

MBAʼÉPA ÑAHESAʼỸIJÓTA

▪ Enterove ohayhúva Ñandejárape “noñepysangamoʼãi”

Opavave kristiáno ñaime peteĩ karrérape ikatuhápe ñagana pe jeikove opaʼỹva. Péro entéronte ñañepysanga jepi ñaneimperfékto rupi. Ko artíkulope jahecháta mbaʼe mbaʼépa ikatu ñanemoñepysanga ha mbaʼépa jajapovaʼerã ani hag̃ua koʼã mbaʼe ñaneguenohẽ ko karréragui.

▪ ¿Oĩpa ne korasõ reikuaa hag̃uáicha Jehovápe?

Jeremías heta oñeʼẽ ñane korasõre. Ko artíkulope jahecháta mbaʼépa heʼise peteĩ ‘korasõ noñesirkunsidáiva’ ha mbaʼérepa kristianokuéra oñeñangareko vaʼerã ani hag̃ua oiko hesekuéra upéva. Jahecháta avei mbaʼépa jajapo vaʼerã jareko hag̃ua peteĩ korasõ oĩva oikuaa hag̃uáicha Jehovápe (Jer. 9:26; 24:7).

▪ ¿Mbaʼépa jajapo vaʼerã ‘jaikuaámarõ Ñandejárape’?

¿Mbaʼe mbaʼépa jajapo vaʼerã jaikuaa hag̃ua Ñandejárape ha haʼe ñandekuaa hag̃ua avei? ¿Mbaʼéichapa ha mbaʼérepa peteĩ kristiáno osegi vaʼerã oñakãrapuʼã oservíramo jepe Jehovápe heta áñorema? Ko artíkulope oñembohováita koʼã porandu.

▪ Jehová omoʼã ipuévlope

Oĩramo jepe ojaposéva ivaíva ñanderehe, ndajakyhyjéi vaʼerã. Ko artíkulope jahecháta mbaʼérepa jaʼekuaa Ñandejára Jehová ñanemoʼãha.

▪ Ñamombaʼékena Jehová réra

¿Mbaʼérepa jaʼekuaa tuicha mbaʼeha ñaime haguére pe puévlo oguerahávape Ñandejára réra? ¿Mbaʼépa heʼise jaikoha Jehová rérape? ¿Mbaʼépa heʼi Ñandejára umi nomombaʼéivare héra? Koʼã porandu oñembohovái ko artíkulope.