Ñanemanduʼa jey hag̃ua umi mbaʼe ñaaprendevaʼekue pe Eskuéla dél Ministério Teokrátikope
Pe Eskuéla dél Ministério Teokrátikope, pe semána oñepyrũva 27 de junio 2005-pe oñembohováita koʼã porandu. Pe superintendénte eskuelapegua ojapóta pe rrepáso 30 minúto aja. Umi mbaʼe ojehecha jeýtava oñenohẽ ñane puvlikasionkuéragui, ojeporuvaʼekue pe eskuélape umi semána oñepyrũva 2 de mayo guive 27 de junio 2005 peve. [Nóta: Pe porandu rire noñemoĩriramo peteĩ puvlikasión ikatútava rehecha, nde rejeporekavaʼerã retopa hag̃ua pe rrespuésta (Ehecha Benefíciese, páhina 36 ha 37).]
ÑAÑEʼẼKUAA HAG̃UA
1. Mbaʼérepa pe símil ha pe metáfora tuicha ñanepytyvõ ñaporomboʼe porã hag̃ua? (Gén. 22:17; Sal. 1:3; Sant. 3:6.) [be-S páhina 240 párrafo 2-4, ha rrekuádro.]
2. Moõpa ikatu jatopa umi ehémplo ñanemboʼe porãva, péro mbaʼépa ñañatendevaʼerã umíva jaiporu jave? [be-S páhina 242 párrafo 1, 2.]
3. Mbaʼe rehépa ñañatendevaʼerã iporã hag̃uáicha peteĩ ilustrasión jaiporavóva? [be-S páhina 244 párrafo 1, 2.]
4. Mbaʼérepa iporã jaiporu umi mbaʼe jahecháva ñaporomboʼe jave, ha mbaʼéichapa Jehová ojapo upéva? [be-S páhina 247 párrafo 1, 2, ha rrekuádro.]
5. Mbaʼéichapa ikatu jaiporu umi mbaʼe jahecháva japredika jave? [be-S páhina 248 párrafo 1- páhina 249 párrafo 2.]
TEMBIAPO NÚM. 1
6. Mbaʼépa heʼi ñandéve Ñandejára Ñeʼẽ ohechaukáva mbaʼeichagua edukasiónpa oñemeʼẽvaʼerã peteĩ mitãme? [w03-S 15/3 páhina 12 párrafo 2; páhina 14 párrafo 4.]
7. Mbaʼéichapa Jehová ohechaukavaʼekue ojepyʼapyha David rehe imitã aja, ha mbaʼéichapa David ohechauka oikuaaseveha Jehovápe? [w03-S 15/4 páhina 29 párrafo 3; páhina 30 párrafo 3.]
8. Mbaʼérepa Jehovápe g̃uarã oĩ porã pe sakrifísio Abel ojapovaʼekue, ha mbaʼépa ohechauka porã ñandéve upéva? (Gén. 4:4.) [w03-S 1/5 páhina 28 párrafo 4- páhina 29 párrafo 1.]
9. Mbaʼépa pe “Jehová disiplína” nañamboykeivaʼerã, heʼiháicha ñandéve Proverbios 3:11? [w03-S 1/10 páhina 20 párrafo 2-4.]
10. Mbaʼépa heʼise pe ‘autosuficiencia’, ojeporuháicha 1Timoteo 6: 6-8-pe? [w03-S 1/6 páhina 9 párrafo 1, 2; páhina 10 párrafo 1.]
PE JALEÉVA LA BÍBLIAGUI KÁDA SEMÁNA
11. Mbaʼéichapa oñekumpli koʼág̃a pe mborayhu ohechaukavaʼekue ojupe Jonatán ha David? (2Sam. 1:26.) [w89-S 1/1 páhina 26 párrafo 13.]
12. Mbaʼépa ñaaprende pe oikovaʼekuégui David ogueruse ypýrõ guare Jerusalénpe pe árka pákto rehegua? (2 Sam. 6:2-9.)
13. Opeka rire David ha Bat-seba, mbaʼérepa omano pe mitã, heʼíramo Deuteronomio 24:16 ha Ezequiel 18:20-pe peteĩ mitã nomanoivaʼerãha itúva opekahaguére? (2 Sam. 12:14; 22:31.)
14. Mbaʼéichapa jaikuaa Zibá ijapuhague Davídpe heʼírõ guare mbaʼépa ojapose Mefibóset? (2Sam. 16:1-4.)
15. Mbaʼéichapa omoĩ ñandéve peteĩ ehémplo iporãva pe Mefibóset ojapovaʼekue oikuaa rire mbaʼéichapa opa pe provléma Zibá ndive? (2 Sam. 19:24-30.)