Mbaʼéichapa ikatu ñapresenta ñande rrevistakuéra
La Atalaya 15 de junio
“Haimete opavave ñambaʼapóvomante jaiko. Hetápe g̃uarã upéva iporãiterei. Oĩ katu heʼíva ivaiha. Ndépa mbaʼe repensa? [Ehaʼarõ tokontesta. Upéi elee Eclesiastés 2:24.] Ko rrevísta ohechauka mbaʼéichapa la Biblia ikatu ñanepytyvõ jahecha hag̃ua hendápe porã umi tembiapo jaguerekóva. Ohechauka avei mbaʼéichapa ikatu ñambohovái umi provléma oĩva ñambaʼapohápe.”
¡Despertad! 22 de junio
“Vaichápa ndéve jaiko porãvetaha ko ñande távape ñañehaʼãramo opavave jaiko heʼiháicha koʼápe? [Elee Efesios 4:28. Upéi ehaʼarõ tokontesta.] Ko rrevísta ohechauka mbaʼéichapa opavave japaga hepyeterei oĩhaguére umi omondáva negosioha rupi. Ohechauka avei mbaʼéichapa koʼẽrõitéma opáta pe ñemonda ha opaichagua mbaʼe vai oĩva koʼág̃a.”
La Atalaya 1 de julio
“Opavave jaikuaa oĩha umi tapicha oguerekóva opa mbaʼe oipotáva ha, upéicharamo jepe, oñandúva gueteri oĩha ofaltáva chupekuéra. Mbaʼépa vaicha ndéve ohekave hikuái? [Ehaʼarõ tokontesta. Upéi elee Mateo 5:3.] Ko rrevísta ohechauka mbaʼépa jajapovaʼerã ñañandu hag̃ua ñane ñeʼãme pe pyʼaguapy: jahupytyvaʼerã pe ñaikotevẽva espiritualménte.”
¡Despertad! 8 de julio
“Koʼág̃a rupi hetave mbaʼe ojejerure ñandehegui ñambaʼapo hag̃ua, ha upévare hetaiterei oĩ umi nombaʼapóiva. Ko rrevísta ohechauka mbaʼe mbaʼépa ikatu jajapo jaheka vove ñande travahorã [Eiporu pe artíkulo ohechaukahápe oĩha cinco mbaʼe ikatúva jajapo jatopa hag̃ua traváho, ha elee umi subtema oĩva létra hũvévape]. Heʼi avei ñandéve mbaʼépa ikatu jajapo ani hag̃ua japerde ñande traváho.” Elee Proverbios 22:29, oĩva páhina 10-pe.