Mbaʼéichapa ñaikuaveʼẽta ñande rrevísta

Ñemañaha 1 de junio

“Pe istória ojekuaavéva oĩva Ñandejára Ñeʼẽme ningo pe Noé ha Diluvio rehe oñeʼẽva. Péro oiko piko rakaʼe umíva? [Ehaʼarõ tokontesta.] Emañamína, koʼápe Jesús voi imanduʼa oiko hague pe Diluvio [elee Lucas 17:26, 27]. Ko rrevístape ojehechaukave mbaʼérepa jaʼekuaa oiko hague pe Diluvio. Ha avei mbaʼépa ñanemboʼe upe oikovaʼekue.”

¡Despertad! Junio

“Heta mbaʼe ningo ijetuʼu mitãrusu ha mitakuñanguérape, ha tuvakuérape ijetuʼúnte avei oipytyvõ hag̃ua chupekuéra. Ndépa ere oipytyvõne hag̃ua tuvakuérape koʼápe heʼíva? [Elee Santiago 1:19 ha ehaʼarõ tokontesta.] Che aikuaa ndegustataha katuete umi konsého porã omeʼẽva ñandéve Ñandejára Ñeʼẽ ha umíva retopatareína ko rrevístape.”

Ñemañaha 1 de julio

“Enterovénte ningo ñambyasy omanóvo ñandehegui peteĩ jahayhúva, ajépa? Ndépa ere upéicha jave ñanepytyvõne hag̃ua jaleéramo la Biblia? [Ehaʼarõ tokontesta ha upéi elee chupe Salmo 55:22.] Ko rrevístape retopáta heta konsého porã omeʼẽva ñandéve la Biblia ha ñanepytyvõva jagueropuʼaka hag̃ua ñane mbaʼe mbyasy.”

¡Despertad! Julio

“Heta mbaʼe ningo ojopy umi omendávape ha upéicha rupi heta oĩ ojedivorsiáva. Mbaʼépa nde ere, oipytyvõnepa umi omendávape koʼápe heʼíva? [Elee Proverbios 12:18 ha ehaʼarõ tokontesta.] Ko rrevístape oñehesaʼỹijo heta konsého porã oĩva la Bíbliape ha oipytyvõtava umi omendávape ojoayhuverei hag̃ua.”