Ñahaʼarõkena Jehová ára
1 ‘Hiʼag̃uíma Jehová ára guasu! Hiʼag̃uíma hína ha pyaʼe ou.’ (Sof. 1:14.) Sofonías ha umi ótro once “profetas menores”, ohaʼarõitereivaʼekue Jehová ára. Upévare, pe lívro Vivamos muy pendientes del día de Jehová rupive, ñañembosakoʼíta ñahaʼarõvo upe ára, ñahesaʼỹijóramo umi mbaʼe haʼekuéra ohaivaʼekue (Sof. 2:2, 3).
2 Peteĩ lívro ijojahaʼỹva. Omyesakãrangue mbaʼépa heʼise káda versíkulo, ko lívro El día de Jehová ohechauka mbaʼéichapa umi doce lívro profétiko ikatu ñanepytyvõ ñande rekovépe. Heʼi jey jey mbaʼérepa umi mbaʼe ñapensáva ha jajapóvare ojekuaavaʼerã jahechakuaaha hiʼag̃uimaha Jehová ára. Ohechauka avei mbaʼéichapa jaikovaʼerã ñande rogapýpe, mbaʼéichapa jatratavaʼerã ermanokuérape, mbaʼéichapa jahechavaʼerã umi vyʼarã, ñane predikasión ha ñande traváho.
3 Sección 1-pe oñeʼẽ umi doce profétare ha umi mbaʼe ohaivaʼekuére: Mávapa hikuái? Ha mbaʼépepa jajogua chupekuéra? Sección 2-pe oñeʼẽve Jehová rehe: Mbaʼépa heʼi Jehová rehe umi proféta? Sección 3-pe omombeʼu mbaʼéichapa jaikovaʼerã ha mbaʼéichapa jatratavaʼerã ñande rapichakuérape: Mbaʼe jajapóramopa ñambovyʼáta Ñandejárape ára ha ára? Sección 4-pe katu ohechauka porã ñandéve mbaʼéichapa ikatu javyʼa ha upéicharamo jepe ñahaʼarõkuaa Jehová ára.
4 Ejepreparákena rehesaʼỹijo porã hag̃ua. Koʼág̃ama voi reñembosakoʼimavaʼerã restudia porã hag̃ua ko lívro El día de Jehová. Rehesaʼỹijo porã vaʼerã káda kapítulo. Ehekapaitékena umi téysto ha ehecha mbaʼéichapa omyesakãve umi mbaʼe restudiavareína. Ejepyʼamongeta ha eñeporandu mbaʼéichapa ikatu nepytyvõ nde rogapýpe, eskuéla térã koléhiope, nde travahohápe, ha rejegueraha porã hag̃ua ermanokuéra ndive.
5 Ko lívro El día de Jehová ñanepytyvõta ikatu hag̃uáicha jahasa ko Jehová ‘ára ipohyietéva’. Ko ára ningo hiʼag̃uimbaitéma! (Joel 2:11.)