Ikatu ñakambia umi mbaʼe ojeguerovia mbaretéva
1 Satanás ningo ymaite guivéma ombotavy ha ogueroviauka heta japu yvyporakuérape. Upéicha rupi oĩ heta nañanerenduséiva. Umi japu haʼe omboʼéva apytépe oĩ trinidad, ñane álma nomanoiha ha ojehasa asyha infiérnope tata akúpe. Omoinge avei ñande rapichakuéra akãme ndaiporiha peteĩ Apohare, ha La Biblia ndouiha Ñandejáragui. Omoingo vai tapichakuérape ndahaʼéi haguére ojopire kolór térã oñoretãygua. Koʼã japu rupi hetaiterei oĩ oikóva pytũnguýpe ha ndoikuaáiva pe añetegua (2 Cor. 4:4). Mbaʼéichapa ñande ikatu ñakambia koʼã japu ojegueroviáva? (2 Cor 10:4, 5.)
2 Ipyʼapýpe voi oñandu. Heta mbaʼe ningo ñande rapichakuéra oguerovia ipyʼaite guive. Oĩ umi ogueroviáva peteĩ mbaʼe michĩ guive. Ha ñaipytyvõséramo koʼãvape, jahechaukavaʼerã jarrespetaha umi mbaʼe ogueroviáva (1 Ped. 3:15).
3 Jahechaukáta jarrespetaha ñande rapichápe, jajapysakáramo hese omombeʼu jave ñandéve umi mbaʼe ogueroviáva ha heʼívo avei mbaʼérepa oguerovia (Sant.1:19). Ikatu oguerovia ñane álma nomanoiha, ohechasetereígui peteĩ ohayhúva omanovaʼekuépe. Térã ikatu ofesteha navidad ha ambue mbaʼe oĩségui ihentekuérandi. Ñahendu porãramo chupekuéra jaikuaáta mbaʼépa oñandu ha upéicha ñambohovái porãvéta chupekuéra (Pro. 16:23).
4 Jesús ohechauka mbaʼéichapa jajapovaʼerã. Jesús oheja ñandéve ehémplo porã ombohováirõ guare peteĩ kuimbaʼe oikuaávape heta mbaʼe Ñandejára léigui. Jesús ndeʼíri upe kuimbaʼépe mbaʼépa ojapovaʼerã. Upe kuimbaʼe ningo nomboykeséi umi mbaʼe ogueroviáva, ha nohendusemoʼãikuri Jesús heʼi rire chupe mbaʼépa ojapovaʼerã. Upévare Jesús oporandúnte chupe mbaʼépa heʼi Ñandejára léi ha oheja pe kuimbaʼépe heʼi hag̃ua opensáva. Upe rire omombeʼu peteĩ ilustrasión oipytyvõ hag̃ua chupe ha ohechakuaa hag̃ua mbaʼépa ojapovaʼerã (Luc. 10:25-37).
5 Umi mbaʼe omboʼéva rrelihión japu, ojeguerovia mbaretéramo jepe, ndaikatúi ipuʼaka umi añetegua Ñandejára Ñeʼẽ omboʼévare (Heb. 4:12). Ñanepasiénsiaramo, ñag̃uahẽta ñande rapichakuéra korasõme. Ikatu ñaipytyvõ chupekuéra omboyke hag̃ua umi japu oñemboʼéva ha oguerovia mbarete hag̃ua pe añetegua oĩva la Bíbliape (Juan 8:32).