Jahecha mbaʼépa ñaaprende Eskuéla dél Ministério Teokrátikope
Semána 25 de diciémbrepe oñembohováita koʼã porandu Eskuéla dél Ministério Teokrátikope. Pe eskuéla omoakãva ojapóta ko rrepáso 30 minúto aja. Ojeporúta informasión ojehechavaʼekue 6 de noviembre guive 25 de diciembre peve. [Umi porandu rire noñemoĩriramo peteĩ puvlikasión rehechátava, rejeporekavaʼerã rembohovái hag̃ua (ehecha Benefíciese, páh. 36, 37).]
ÑAÑEʼẼKUAA HAG̃UA
1. Jaikuaa hag̃ua mbaʼépa jaʼéta jalee mboyve peteĩ téysto, mbaʼépa jahechakuaavaʼerã? [be páh. 148 § 4–páh. 149 § 1.]
2. Mbaʼépa ikatu jajapo hesakã porãve hag̃ua pe jaʼéva? [be páh. 151 § 4–páh. 152 § 3.]
3. Tuicha mbaʼégui ñaporomboʼe Ñandejára Ñeʼẽ, mbaʼépa jajapovaʼerã ‘ñamboʼe hag̃ua hekópe porã pe añetegua’? (2 Tim. 2:15.) [be páh. 153 § 1-3 ha rrekuádro; páh. 154 § 1, 2.]
4. Mbaʼéichapa ikatu jaiporu porãve umi téysto ñanemboʼéva? [be páh. 154 § 4–páh. 155 § 4.]
5. Mbaʼérepa jahechaukavaʼerã ñaikotevẽha pe informasión ha mbaʼéichapa ikatu jajapo upéva? [be páh. 157 § 1-4 ha rrekuádro; páh. 158 § 1.]
TEMBIAPO NÚM. 1
6. Mbaʼéichapa Salomón haʼevaʼekue peteĩ kongregadór? [si páh. 112 § 1-3.]
7. Mbaʼéichapa Eclesiastés heʼíva oĩ porã umi Jesús omboʼevaʼekue ndive? [si páh. 114 § 16.]
8. Mbaʼéichapa jaikuaa Cantar de los Cantares oĩha pe Canon de la Bíbliape? [si páh. 115 § 3, 4.]
9. Mbaʼéicha ohechauka porã pe Isaías lívro ojetopavaʼekue már Muerto ypýpe, pe téysto koʼag̃agua ndojoavyiha Ñandejára Ñeʼẽ ojehai ypy vaʼekue ndive? [si páh. 118 § 6.]
10. Mbaʼépa oipytyvõta peteĩ diskúrso omeʼẽtavape ani hag̃ua oiporu heta nóta? [be páh. 42 § 1.]
JALEÉVA LA BÍBLIAGUI KÁDA SEMÁNA
11. Mbaʼérepa ikatu jaʼe umi ‘Jehováre ojeroviáva ontendeha opa mbaʼe’? (Pro. 28:5.)
12. Mbaʼéichapa umi hovatavývape omokaneʼõ hembiapo? (Ecl. 10:15.)
13. Mbaʼérepa pe sulamíta haʼevaʼekue peteĩ hardín oñemongoráva ojeikeʼỹ hag̃uáicha, ha mbaʼéichapa omoĩvaʼekue peteĩ ehémplo iporãva umi ermána omendaʼỹvape g̃uarã? (Cant. de Cant. 4:12.)
14. Jehová heʼírõ guare umi isrraelítape ‘peju ñañemongeta koʼã mbaʼére’, heʼiseparakaʼe Jehová onegosiataha hendivekuéra og̃uahẽ hag̃ua peteĩ ñeʼẽme? (Isa. 1:18a.)
15. Mbaʼéichapa oñekumplivaʼekue yma Isaías 11:6-9, ha mbaʼéichapa oñekumplipaitéta?