Mbaʼépa jahecháta Rreunión de Servísiope
Semána 10 de septiembre
Purahéi 225
10 min. Marandukuéra kongregasionpegua. Ejerure mokõi puvlikadórpe tohechauka mbaʼéichapa ikatu ñaikuaveʼẽ Ñemañaha ha ¡Despertad! septiembrepegua. Tojapo hikuái oĩháicha páhina 8-pe térã opyta porãvetaháicha pende territóriope. Mokõivéva tohechauka mbaʼéicha oikuaveʼẽ mokõive rrevísta oñeʼẽramo jepe peteĩrente.
15 min. Umi mbaʼe jaikuaaséva. Ojapovaʼerã peteĩ ansiáno. Rehesaʼỹijovaʼerã umi nerendúva ndive. Tiémpo omeʼẽha peve, ojelee ha oñekomentavaʼerã umi téysto oĩvare.
20 min. “Jajapovaʼerã opa mbaʼe Jesús ojapohaguéicha.” Ejerure umi nerendúvape tomombeʼu mbaʼéichapa oipytyvõ chupekuéra umi hapicha ojapóva.
Purahéi 130 ha ñemboʼe.
Semána 17 de septiembre
Purahéi 60
10 min. Marandu kongregasionpegua. Ehesaʼỹijo pe kárta oĩva Ñane Rembiapo Rréino Reheguápe, páhina 1-pe.
15 min. Mbaʼéichapa jajapóraʼe ñane rembiapo pe áño ohasavaʼekuépe? Pe superintendénte de servísio omombeʼuvaʼerã mbaʼéichapa oñembaʼapóraʼe pe áño ohasavaʼekuépe. Emombeʼu umi mbaʼe porã ojehupytyvaʼekue predikasiónpe. Eguerohory opavavépe ha upéi ere mbaʼe mbaʼépepa oñembaʼapovevaʼerã ko septiembre guive. Emombeʼu mbaʼépa ohupyty umi prekursór ha eguerohory chupekuéra péicha ikyreʼỹhaguére. Emombeʼu umi mbaʼe porã ojehupytýva oñepytyvõ rupi umi nosẽvéivape opredika.
20 min. “Mbaʼépa ikatu jajapove septiembre guive.” Eñemongeta peteĩ térã mokõi puvlikadór ndive, umi ramónte ojapovaʼekue ndive precursorado auxiliar. Eporandu chupekuéra: Mbaʼéichapa emohendáraʼe ne tiémpo ikatu hag̃uáicha resẽ predikasiónpe? Mbaʼépa rehupyty upe haguére? Peteĩ ikatu omombeʼu ojapohague precursorado auxiliar oipytyvõ rupi chupe ifamília. Ehesaʼỹijóvo párrafo 9, reikuaáramo ikatu remombeʼu arakaʼépa outahína pe superintendénte de sirkuíto.
Purahéi 74 ha ñemboʼe.
Semána 24 de septiembre
Purahéi 162
10 min. Marandu kongregasionpegua. Elee umi infórme kuénta ha kontrivusión rehegua.
15 min. “Ñañehaʼãvaʼerã jastudia la Biblia umi ñande rrevísta ohejavaʼekue ndive.” Ehechauka mbaʼéichapa ikatu jastudia ñepyrũ ñande rapicha ndive, upearã eiporu párrafo 2-pe heʼíva. Emomanduʼa puvlikadorkuérape ikatuha oinforma estúdio vívlikoramo ostudia rire dos vése peteĩ hapicha ndive ha ohechakuaáramo osegitaha.
20 min. Mbaʼéichapa ikatu jaiporu pe tratádo Reikuaasevépa la Biblia heʼíva? ñañepyrũ hag̃ua jastudia ñande rapichakuéra ndive ko octúbrepe. Octúbrepe ñaikuaveʼẽta Ñemañaha ha ¡Despertad! Oĩramo ñanerendu porãva ikatu jaiporu tratádo Reikuaasevépa la Biblia heʼíva? jastudia ñepyrũ hag̃ua hendivekuéra. Pereko hetáramo ko tratádo pene kongregasiónpe, ejerure akomodadorkuérape omeʼẽ hag̃ua peteĩteĩ opavavépe ha emombeʼu mbykymi mbaʼépa heʼi pype. Emombeʼu ikatuha ñahesaʼỹijo michĩmi jepe ñag̃uahẽ ñepyrũme térã jaha jeývape. Ejerure mokõi puvlikadórpe tohechauka mbaʼéichapa ikatu ñaikuaveʼẽ Ñemañaha ha ¡Despertad! octubrepegua. Tojapo hikuái oĩháicha páhina 8-pe térã opyta porãvetaháicha pende territóriope. Peteĩvape tohechauka pe puvlikadór ohejaha peteĩ tratádo pe óga jára ndoipotáivape ñande rrevísta. Pe ótrope katu, óga jára ohejáta umi rrevísta ha omeʼẽta avei chupe peteĩ tratádo ha ohechaukáta chupe páhina 5-pe heʼíva. Upe rire tohechauka pe cupón oĩva páhina 6-pe, ojerure hag̃ua lívro Mbaʼépa omboʼe la Biblia? ha teʼi chupe ou jeytaha ogueru hag̃ua upe lívro.
Purahéi 222 ha ñemboʼe.
Semána 1 de octubre
Purahéi 88
10 min. Marandukuéra kongregasionpegua ha umi ojeporavóva Ñane Rembiapo Rréino Reheguápe oĩvagui. Emomanduʼa puvlikadorkuérape omeʼẽvaʼerãha iñinfórme septiembrepegua.
20 min. “Ñamombaʼeguasuñaína Ñandejárape ñanepotĩramo opa mbaʼépe”. Ojapovaʼerã peteĩ ansiáno. Ehesaʼỹijo mbykymi La Atalaya 1 de junio de 1989, páhina 15 guive 20 peve.
15 min. “Ñañehaʼãkena ñambaʼapove predikasiónpe.” Ejerure ermanokuérape tomombeʼu mbaʼépa ojapohína osẽve hag̃ua predikasiónpe. Ejerure chupekuéra tomombeʼu mbaʼéichapa ojapotahína upéva. Peteĩ térã mokõi ermánope voimi reheve rejerurekuaa oñeʼẽmi hag̃ua ág̃a upévare.
Purahéi 102 ha ñemboʼe.
[Nóta]
Reñepyrũvo eñeʼẽ mbykymi rehupytyʼỹre un minúto ha upéi eiporu umi porandu rehesaʼỹijo hag̃ua ko párte.