Ojepredikáningo ko múndo tuichakue javeve
Cien áño rasáma ñande testigos de Jehová ñambaʼapo hekoitépe ñamog̃uahẽ hag̃ua opárupi pe marandu porã (1 Cor. 9:23). Ha japredika rupi ko múndo tuichakue, pe marandu porã oñehendu hetaiterei idiómape ha doscientos treinta y seis tetãme (Mat. 24:14). Mbaʼérepa japredikavaʼerã? Mbaʼépa ojejapo ojepredika hag̃ua ko múndo tuichakue javeve?
Pe vidéo Los testigos de Jehová: organizados para predicar las buenas nuevas omombeʼu ñandéve upéva. Ohechaukahína mbaʼéichapa oñembaʼapo ikatu hag̃uáicha ojepredika opárupi. Jahecha vove, ñañehaʼãvaʼerã ñambohovái koʼã porandu: 1) Mbaʼéichapa oñembaʼapo ha oñemoakãhína ñane rembiapo Ñandejárape g̃uarã? 2) Mbaʼéichapa umi departaménto de Redacción, Servicios de Traducción, Arte ha Servicios de Audio ha Video oipytyvõ ojekuaauka hag̃ua pe marandu porã? 3) Maʼerãpa ojejapo hetaite puvlikasión ha oñemosarambi opárupi? (Juan 17:3.) 4) Mboy puvlikasiónpa ojejapo jepi un áñope? 5) Mbaʼépa ojehupyty ñane puvlikasionkuéra rupive? (Heb. 4:12.) 6) Mbaʼépa ojejapohína ikatu hag̃uáicha umi nohendúi ha ndohecháiva oikuaa avei Ñandejárape? 7) Moõguipa oñeguenohẽ pirapire ojejapo hag̃ua koʼã mbaʼe predikasionrã? 8) Mbaʼéichapa ñanepytyvõ ojapóva Servicios de Información Hospitalaria, Departamento de Servicio ha Departamento de Asambleas? 9) Mbaʼéichapa ñanepytyvõ ko vidéo ñamombaʼeve hag̃ua a) Jehová organisasión ojapovahína omog̃uahẽ hag̃ua opárupi pe marandu porã? b) umi cien família Betel rupi oĩva ko múndope? c) umi eskuéla ojejapóva oñembokatupyryve hag̃ua umi superintendénte ha misionerokuérape? d) pe téysto ñahesaʼỹijóva káda pyhareve ha umi mbaʼe oñemoĩva ñandéve jajeprepara hag̃ua káda semána rreunionrã? e) umi mbaʼe porã jahupytýva rreunionhápe? f) ko Yvýgui oikotaha peteĩ hardín neporãva? (Isa. 11:9.) g) ikatu haguére ñaipytyvõ avei koʼág̃a rupi ñande rapichakuérape oservi hag̃ua Ñandejárape? (Juan 4:35.)
Mbaʼépa ojapóraʼe ohecha rire pe vidéo ñane hentekuéra, ñane konosído, umi oikuaasevéva la Biblia omboʼéva ha ñane estudiantekuéra? Ñapensamíkena mávapepa ikatu jahechauka avei ko vidéo, ha ñañeʼẽ chupe pe marandu porãre (Mat. 28:19, 20).