Mbaʼéichapa ñaikuaveʼẽta ñande rrevísta

Ñemañaha 1 de mayo

“Heta yvypóra heʼi Ñandejárare: ‘Ahechárõmante aroviáne’. Ha ndépa mbaʼe repensa? [Ehaʼarõ tokontesta ha upéi elee chupe Romanos 1:20.] Ko rrevístape ojehechauka ñandéve ñande Apohare rembiapokue ñanemboʼeha chugui mbohapy mbaʼe iporãitereíva. Omyesakã porã avei ñandéve mbaʼérepa jaikuaasevaʼerã umi mbaʼe.”

¡Despertad! Mayo

Elee Mateo 6:9 ha upe rire eporandu: “Ndépa ere ojejapoha koʼág̃a rupi Ñandejára rembipota? Mbaʼépa nde ere Ñandejára oipotaha jajapo?”. Ehaʼarõ tokontesta ha upéi ere chupe: “La Bíbliape omyesakã porã ñandéve maʼerãpa Ñandejára ojapovaʼekue ko Yvy ha koʼag̃aite peve Haʼe nokambiái upéva. Ko rrevístape omombeʼu maʼerãpa Ñandejára ojapovaʼekue ko Yvy”. Ehechauka oĩva páhina 10-pe.

Ñemañaha 1 de junio

“Pe istória ojekuaavéva oĩva Ñandejára Ñeʼẽme ningo pe Noé ha Diluvio rehe oñeʼẽva. Péro oiko piko rakaʼe umíva? [Ehaʼarõ tokontesta.] Emañamína, koʼápe Jesús voi imanduʼa oikohague pe Diluvio [elee Lucas 17:26, 27]. Ko rrevístape ojehechaukave mbaʼérepa jaʼekuaa oiko hague pe Diluvio. Ha avei mbaʼépa ñanemboʼe upe oikovaʼekue.”

¡Despertad! Junio

“Ijetuʼu ningo ñamongakuaa hag̃ua ñane famíliape koʼág̃a rupi, ajépa? Koʼýte okakuaavévo hikuái. Mávapa nde ere ikatúne hag̃ua omeʼẽ ñandéve konsého iporãva? [Ehaʼarõ tokontesta ha upéi elee chupe Isaías 48:17, 18.] Ko rrevístape oĩ heta mbaʼe oipytyvõtava tuvakuérape omongakuaa porã hag̃ua ifamília.”