Jaiporukuaákena la Biblia
1. Mbaʼérepa tekotevẽ ñandekatupyry jaiporu hag̃ua la Biblia?
1 Ñandekatupyrýramo jaiporu hag̃ua la Biblia ikatúta ñamoherakuã Ñandejára marandu ha ñaporomboʼe porãvéta. Avei ikatúta jahechauka heta rrelihión nomboʼeiha la Biblia heʼiháicha ha ñamyesakãta umi japu heta hénte ogueroviáva (2 Tim. 2:15; 1 Ped. 3:15).
2. Mbaʼéichapa ikatu ñandekatupyryve jaiporu hag̃ua la Biblia?
2 Ñahesaʼỹijo memékena. Ideprovécho hag̃ua ñandéve peteĩ mákina tekotevẽ jaikuaa porã mbaʼéichapa ojeporu, ha jaiporu memévo katu ñanevakeanovéta. Péicha avei la Biblia, jaleéramo oñepyrũ guive ipahaite peve ideprovechoitereíta ñandéve. Pór ehémplo, jaikuaa porãta mbaʼéguipa oñeʼẽ, jaikuaáta heta téysto de memória ha jatopa pyaʼevéta. Avei upéicharõmante ñanekyreʼỹvéta predikasiónpe (1 Tes. 1:5).
3, 4. a) Mbaʼéichapa ikatu jaikuaave oĩva la Bíbliape? b) Mbaʼépa nde rejapo reiporukuaave hag̃ua la Biblia?
3 Entéronte ñañehaʼãvaʼerã jaikuaave oĩva la Bíbliape. Mbaʼéichapa jajapokuaa upéva? Pór ehémplo ñaime jave rreunionhápe iporãta jaleérõ pe diskursánte heʼi vove. Ha jastudia jave ñaneañohápe térã ñañembosakoʼívo rreunionrã katu jahekavaʼerã umi téysto ha ñapensáma mbaʼéichapa omyesakãve upe téma. Oĩ heta oleéva Ñandejára Ñeʼẽ computadora guivénte térã oimprimi upégui olee hag̃ua, ha noĩvaíri upéva. Péro ikuentave jaiporu la Biblia voi, upéicharõ ñanemanduʼa pyaʼevéta moõitépa oĩ umi téysto jaiporu hag̃ua predikasiónpe (Juan 14:26).
4 Mbaʼépa ñande jajapokuaa ñanemanduʼa pyaʼeve hag̃ua umi téystore térã jaiporukuaave hag̃ua la Biblia? Oĩ família oiporavóva peteĩ día ha óra ojapo hag̃ua upéva. Pór ehémplo omemorisa hag̃ua umi téysto vívliko omoĩ hikuái kuatiáre peteĩ téysto ha ijatukupépe mbaʼépa heʼi. Upe rire ojopyru hikuái pe kuatiáre imanduʼa peve mbaʼépa heʼi ha moõpa oĩ upe versíkulo. Avei oĩ heta oñensajáva hogayguakuérandi mbaʼéichapa oiporúta la Biblia ombohovái hag̃ua umi hénte oporandúva.
5. Mbaʼérepa tekotevẽ ñandekatupyryve jaiporu hag̃ua la Biblia?
5 Ndaipóri la Biblia rasaharã, haʼe añoite ikatu ‘ñanemoarandu jajesalva hag̃ua’ (2 Tim. 3:15). Péro ñambyasýramo jepe heta hénte ndoikuaái upéva ni umi mbaʼe porãita oĩva ipype. Upévare tekotevẽ ñandekatupyryve jaiporu hag̃ua la Biblia, ha péicha ñaipytyvõ chupekuéra ontende porãve hag̃ua Ñandejára Ñeʼẽ (Pro. 2:1-5).