“Mbaʼéichapa akontavaʼerã che óra?”

Ndépa reñeporandúmava upéva? Lívro Organizados páhina 86 ha 87 omombeʼu mbaʼéichapa ñakontavaʼerã ñande óra japredika jave. Avei Ñane Rembiapo Rréino Rehegua septiembre 2008-pe, pe artíkulo heʼíva “Umi mbaʼe jaikuaaséva”, oñeʼẽmieve upe témare. Péro ñane situasión ndahaʼéigui peteĩchapa, ndojejapói peteĩ lísta heʼihápe mbaʼeichaitépa ñakontavaʼerã ñande óra. Upéicha rupi noĩporãmoʼãi peteĩ ansiáno térã peteĩ ermáno heʼi ñakontavaʼerãha ñande óra ambue hendáicha ndaipóriramo ñane puvlikasionkuérape.

Ndereikuaáirõ mbaʼéichapa rekontáta nde óra ha umi puvlikasiónpe ndeʼíri mbaʼépa rejapokuaa, reñeporanduvaʼerã: “Aiporúparaʼe upe tiémpo apredika hag̃ua, térãpa ajapóraʼe ambue mbaʼe?”. Umi óra ñaanotáva ñanembovyʼavaʼerã, ndahaʼéi ñanemoñeñandu vaíva (Hech. 23:1). Iporãve jaiporu hekoitépe ñane tiémpo predikasiónpe, jajepyʼapyrangue mbaʼéichapa ñakontáta ñande óra (Heb. 6:11).