Umi mbaʼe jaikuaaséva

◼ Mboy órapa ikatu oanota túva ha sy ostudia jave ifamília ndive?

Jaikuaa ningo túva ‘omongakuaa ha ohekomboʼevaʼerãha ifamíliape Ñandejára oipotaháicha’. Péro hembireko oipytyvõvaʼerã avei chupe (Efe. 6:4). Upévare la Biblia heʼi: “Ehendúke che raʼy nde ru ñeʼẽ, ha aníke rejahéi nde sy nemboʼévare” (Pro. 1:8). Ikatu hag̃uáicha túva ha sy ohekomboʼe ifamiliakuérape ostudiavaʼerã hendivekuéra la Biblia.

Ymave ningo ostudiáramo mokõivéva ifamíliandi, pe ombostudiávante oanotamivaʼerã pe óra. Koʼág̃a ndaupeichamoʼãvéima. Mokõivéva ostudiáramo ifamília ojevautisaʼỹva ndive, mokõivéva ikatu oanota una óra káda semána. Jaikuaa porã túva ha sy ndahaʼeiha una óra a la semánante ohekomboʼéva ifamíliape. Upéva ningo káda diagua (Deu. 6:​6-9). Pe infórme ojeporu ikatu hag̃uáicha ojekuaa mbaʼépa ojehupyty predikasiónpe. Upévare oñemoĩvaʼerã una órante, ojestudiáramo jepe hetave tiémpo, hetave vése una semánape térã peteĩteĩndi. Péro ñanemanduʼákena peteĩvante, sy térã túvante omoĩvaʼerãha iñinfórmepe ojapoha estúdio upe méspe ha peteĩ rrevisíta káda semána.